Twee apartheidspolisiemanne kan vir ‘82-moord vervolg word

Die direkteur van Openbare Vervolging in Gauteng, Andrew Chauke, het die Gautengse Hooggeregshof se beslissing verwelkom dat twee apartheidspolisielede vir misdade teen die mensdom vervolg kan word. Die gewese Vlakplaas-askari, Ephraim Mfalapitsa, en oud-lid van die veiligheidstak, Christiaan Rorich, word beskuldig van die moord op vier studente in 1982. Regter Dario Dosio het bevind daar is geen sperdatum vir misdade teen die mensdom nie. Die Nasionale Vervolgingsgesag se woordvoerder, Phindi Mjonondwane, sê die twee voer aan die tyd waarin hulle vervolg moes word, het verstryk: