Trustee van Sentebale weet niks van bewerings nie

Dr. Kelillo Lerotholi, voormalige trustee van Sentebale, het die bewerings ontken ná prins Harry se bedanking. Die prins het die liefdadigheidsorganisasie in Lesotho in 2006 gestig ter ere van sy oorlede ma, prinses Diana. Hy sê hy het Sentebale verlaat weens binnegevegte. Sy medestigter, prins Seeiso van Lesotho, het ook bedank. Die voorsitter, Sophie Chandauka, het lelike aantygings van seksisme, afknouery en meer gemaak. Lerotholi sê aan SkyNews dis nuus vir hom.