Oud-Air Namibia werknemers wend hul na verkose president

Voormalige werknemers van Air Namibia staar steeds beduidende uitdagings in die gesig, insluitend onbetaalde skeidingspakkette en voortgesette werkloosheid. Hulle het in die openbaar 'n beroep op die verkose president Netumbo Nandi-Ndaitwah gedoen om hul lot aan te spreek voordat daar voortgegaan word met planne om die nasionale lugdiens te laat herleef, soos sy tydens haar verkiesingsveldtog aangedui het. Die groep beweer ook dat die Namibië Inkomste-agentskap, NamRA, hul belastingverpligtinge onregverdig ondersoek. Terwyl die hoërhof in hul guns beslis het oor hul skeidingspakette, gaan die saak nou na die hooggeregshof, wat die kwessie verder vertraag. Kosmos 94.1 Nuus het gesels met Renier Bougaard, die groep se woordvoerder, vir 'n opdatering.