2024: Suid-Afrika se Wenners, Verloorders, en Politieke Teater

Loading player...
2024 was ’n jaar van groot politieke en ekonomiese omwentelinge! In hierdie KLETS-episode sluit Dawie Roodt, bekende ekonoom, en Piet Croukamp, politieke ontleder, by Matthys en Colene aan om die jaar se mees bepalende gebeure te bespreek. Ons delf diep in die vyf prioriteite wat tydens die Februarie 2024 SONA (State of the Nation Address) aangekondig is. Hoe het die regering gevaar in hierdie sleutelareas, en wat was die werklike impak op Suid-Afrikaners se lewens?

Een van die grootste politieke skuiwe van die jaar was die ANC wat sy parlementêre meerderheid verloor het, wat gelei het tot die vorming van die Regering van Nasionale Eenheid (RNE). Was hierdie nuwe politieke bestel net ’n oefening in krisisbestuur, of het dit enige werklike stabiliteit gebring? Ons bespreek hoe die RNE Suid-Afrika se ekonomiese groei, werkloosheid, en infrastruktuurontwikkeling beïnvloed het. Wat beteken hierdie veranderinge vir Cyril Ramaphosa se toekoms as ANC-leier, en kan hy sy posisie behou?

Internasionaal het Suid-Afrika die wêreld se aandag getrek met sy optrede teen Israel by die ICJ (International Court of Justice). Was hierdie skuif briljant diplomaties of bloot politieke teater? Ons analiseer die moontlike langtermynimpak op Suid-Afrika se internasionale verhoudings.

Dan is daar die herverkiesing van Donald Trump as president van die VSA. Wat beteken sy terugkeer vir Suid-Afrika, spesifiek vir die AGOA-handelsooreenkoms? Is hierdie ’n nuwe kans vir groei, of ’n struikelblok wat ekonomiese uitdagings vererger?

Ons sluit af met ’n blik op 2024 se wenners en verloorders. Wie het uitgeblink, en wie het teleurgestel? Met insigte en debate hierdie episode propvol waarde as jy wil verstaan hoe 2024 Suid-Afrika se toekoms vorm.
18 Dec 2024 Afrikaans Explicit South Africa Society & Culture · News Commentary

Other recent episodes

Jaco Kleynhans oor Trump en Suid-Afrika se Toekoms

In hierdie KLETS-episode gesels ons met Jaco Kleynhans, Hoof van Internasionale Skakeling by Solidariteit, oor die jongste “Trump-doring” in die ANC se vlees. Trump se uitsprake oor Suid-Afrika het opslae gemaak – maar is dit werklik ’n bedreiging, of is ons regering net bietjie te sensitief? Jaco verduidelik die ware…
5 Feb 54 min

Daar is ’n Land in die Suide

Daar is ’n land in die Suide waar jy moontlik jou grond sonder vergoeding sal moet opgee. Ja, jy het reg geraai – Suid-Afrika! In hierdie KLETS-episode bespreek ons die Grondonteieningswet wat baie spekulasie laat opvlam. Wat is die werklike redes agter hierdie kontroversiële wetgewing? Is die honeymoon van die…
29 Jan 57 min

Die Narratief: Trump, Posseëls en ’n Dry January

In hierdie KLETS-episode van 22 Januarie 2025 praat ons oor ’n paar groot (en klein) gebeure wat die wêreld aan die gons het! Donald Trump is terug in die Withuis, en op sy eerste dag as president het hy reeds begin om sy campaing beloftes uit te voer – iets…
22 Jan 55 min

2025 in die Sterre: Politieke Melkweë en Kosmiese Kortsluitings

2025 begin met sterrekyk soos nog nooit tevore! In hierdie KLETS-episode verwelkom Matthys en Colene ons in-house astrologer, Catherine Laurent, om die sterre en planete vir Suid-Afrika te ontleed. Catherine het die sterrekaarte van agt van die land se bekendste politici ontsyfer en deel haar insigte oor wat die kosmos…
15 Jan 2 hr 06 min

Waterveiligheid, Branding Drama, en ’n Huldeblyk aan Breyten Breytenbach

In hierdie spesiale voor-Desember episode van KLETS op 27 November 2024, fokus ons op waterveiligheid en hoe om jou gesin veilig te hou hierdie feestyd. Ons gesels met Dhaya Sewduth, die president van Lifesaving South Africa, wat praktiese waterveiligheid wenke en belangrike tips deel. Of jy by die see vakansie…
27 Nov 2024 1 hr 29 min