Delf Steeds Dieper - 4 Okt 2024

In hierdie aanbieding van Delf Steeds Dieper gesels Este eerste met Elizabeth Jordaan wat verder vertel van die wel en weë en veral die geweldige invloed wat Andrew Murray op die ontwikkeling van "Kerk" in SA gehad het. Dit is veral die verskille wat in hierdie deel van die vertelling na vore kom, wat mens laat besef hoe een kerk in 'n paar vertakkinge verdeel het.

Die groot probleem met "Fetale Alkohol Sindroom" is weer op die tafel. In hierdie aanbieding vertel Rene Testa in meer detail van dit wat haar seuntjie - wat sy aangeneem het, moes deurleef. Hierdie seun is gebore met "Fetale Alkohol Sindroom" en sy vertel alles wat hul moes deurgaan om van die verslawing ontslae te raak. Hennie en Louise Burger is 'n egpaar wat hul hele lewe lank in diens van ons Vader leef, waar hulle in gehoorsaamheid een opdrag na die ander van Hom ontvang en deurvoer. Tot onlangs het hul by 'n skool in Graaff Reinet gehelp - ook met kinders wat leer probleme het as gevolg van hierdie alkohol sindroom. Luister en leer.