PM gesels met Dr Johnny vd Merwe van die NWU oor die jongste kommoditeitspryse

Senior landbou-ekonoom, Dr Johnny van der Merwe van die NWU, bespreek die afgelope week se jongste kommoditeitspryse. Volgens hom het die rand baie verswak in hierdie week teenoor die Amerikaanse dollar. Speenkalwers se pryse het gestyg, veral in die Wes-Kaap en groter aanvraag kan dit steeds laat styg na die Kersseisoen. Stoorlammers se prys het konstant en hoog gebly en beskikbaarheid is steeds min. Hoenderpryse is effens laer, terwyl varkvleispryse weer effens gestyg het.