Twee vroue se drome bewaarheid met inperking-kinderboek

Hoërskool Nelspruit se Afrikaansonderwyser, Martie Naudé, het die vlak vyf grendeltydperk in Maart gebruik om uiteindelik haar kreatiwiteit vry teuels te gee – en haar eerste kinderboek te skryf.
Sy gee “Die Padonkels van Hoekomsberg” uit onder die skrywersnaam Karools Vorster.
Een van haar leerlinge se ma’s, Karen Breytenbach, het die boek geïllustreer. Vir Breytenbach is dit ‘n droom wat bewaarheid is.
Naudé sê sy het nooit gedink sy kán skryf nie. Tog is sy reeds klaar met die tweede aflewering in die Padonkels se avontuur en beplan sy vele meer.