Mpumalanga vra dat mense onder die vloedlyn ontruim

Die area is nog nie eens as 'n rampgebied verklaar na die afgelope amper drie weke se oorstromings nie, en reeds is meer ontwrigtende reën op pad.
Die provinsiale departement van samewerkende regering het mense wat onder vloedlyne en in laagliggende gebiede bly, gevra om eerder die areas te ontruim.
Volgens woordvoerder, George Mthethwa, is dit gevaarlik, aangesien damme en riviere reeds baie vol is.
‘n Vlak-4 geel waarskuwing is uitgereik vir die Nkomazi en Bosbokrand-areas.