Mpumalanga gereed vir Eloise

Tropiese storms is onvoorspelbaar, maar Mpumalanga se departement van samewerkende regering sê hulle hou Eloise se ontwikkeling fyn dop.
Die storm sal na verwagting vanaf Sondagoggend baie swaar reën in die Laeveld veroorsaak.
Die Suid-Afrikaanse Weerdiens waarsku dat vloede ‘n moontlikheid is.
Volgens die woordvoerder vir die departement, George Mthethwa, is hulle gereed om die betrokke munisipaliteite se rampbestuur op hoë gereedheidsvlak te plaas sodra verwikkelinge dit noop.