Plaaslike pastoor Pretoria toe verplaas na fratsongeluk

Pastoor Cyzelle Fincham van die Grace Family Fellowship in Nelspruit is oorgeplaas na die Eugene Marais-hospitaal.
Sy is Vrydag ernstig in ‘n fratsongeluk beseer toe ‘n jagvoertuig waarin sy ‘n passasier was, op haar geval het.
Sy het twee nekwerwels gekraak en haar wangbene, ses ribbes en bekkenbeen gebreek.
Sy was tot vandag in Mediclinic Nelspruit se hoësorgeenheid.
Volgens haar man, Kelvin, is sy suksesvol oorgeplaas en sal ‘n spesialis nou op haar bekken opereer.