Vriendelike Fanie groet NHS

Hoërskool Nelspruit se algemene assistent, Fanie Themba, het na 36 jaar by die skool afgetree.
Pligsgetrou en altyd vriendelik het hy hard gewerk aan verbeteringe op die skoolterrein sedert 1984.
Skoolhoof Johan Hattingh sê hy het baie groot waardering vir Fanie se karakter en dat hy te alle tye die belange van die skool op die hart gedra het.
Fanie sê baie voormalige leerlinge onthou hom steeds, maar hy het uiteindelik besluit om ‘n bietjie te gaan rus.