Ondersoek na polisie glo drie onwettige mynwerkers in Sabie doodskiet
Loading player...
Die Onafhanklike Polisie-ondersoekdirektoraat ondersoek ‘n voorval waartydens drie vermeende onwettige mynwerkers gister in Sabie doodgeskiet is. Volgens die polisie was hulle besig met roetinepatrollies in die omgewing van die New Village-mynskag toe daar uit verskillende rigtings op hulle geskiet is. Een beampte van die honde-eenheid is in die been getref. Wetstoepassers het teruggeskiet en drie verdagtes is noodlottig gewond. Volgens die polisie is twee AK-47-gewere sowel as ongeveer 500 rondtes ammunisie op die misdaadtoneel gevind.
