![](https://static.iono.fm/files/p234/logo_6171_20210316_171251_600.jpg)
Boekkeuse - 16 Julie 24
--:--
n hierdie propvol aflewering van Boekkeuse, ons gereelde program oor skrywers en boeke met Amanda Botha as aanbieder, verwelkom ons twee ateljeegaste, A M Holder, ‘n jeugboekskrywer wat met haar debuut, Samboksalf en ‘n draaktraan, groot belofte toon, en die digter Martina Klopper wat haar tweede bundel, Kuborg, bekend stel. Ons bied vyf uiteenlopende besprekings aan van boeke wat wyd byval sal vind. Joan Hambidge bespreek Creative Arts of Practice met die digters Sally Ann Murray en Michelle Betty as redakteurs. Antoinette Coetzee bespreek die roman, Duifling, deur Lize Albertyn-du Toit, wat in die Richtersveld afspeel en waarin die taal van die Namas soos poësie lees. Elmarie Waltman bespreek Die loutering van Marion Viljoen deur Chris Marnewick wat in howe en die regswêreld afspeel. Ineke Slabbert het groot vreugde gehad aan die lees van die jeugroman, Weg, deur Nerine Alhers en Alet Steenkamp. ‘n Spanningsverhaal waarin die tema van ontvoering ook te berde kom. Whitey Basson is ‘n reus in die sakewêreld wie se naam byna sinoniem met Shoprite en Checkers is. Hadley Titus bespreek Niel Joubert se biografie, Whitey – Sakereus van Shoprite.