Liggaam van driejarige dogtertjie in Pienaar ontdek

Die liggaam van die driejarige Peaceful Khoza is gister in Pienaar opgegrawe. Sy is Woensdagoggend ontvoer. Haar liggaampie is verbrand en in 'n vlak graf begrawe - agter die huis van die 18-jarige moordverdagte se ouma. Dieselfde man word deur die polisie aangehou weens die moord op Junior Mabandla. Die oorskot van die sesjarige is Woensdagaand in in die begraafplaas opgegrawe na hy 'n maand vermis was. Die verdagte is onder polisiebewaking in die hospitaal na hy deur gemeenskapslede aangerand is.