![](https://static.iono.fm/files/p234/logo_6171_20210316_171251_600.jpg)
Boekkeuse - 04 Junie 2024
--:--
Hierdie aanbieding van Boekkeuse onder regie van Amanda Botha, is in sy geheel gewy aan skrywers wat in Kaapse Afrikaans of AfriKaaps hulle sonderlinge stories en ervarings met ons deel. Ons verwelkom Nathan Trantraal wat gesels oor sy grafiese roman, Die man wattie kinners vang, en met sy ma, Charmaine Africa, wat debuteer met haar memoire, Amma, herinneringe aan haar moeder en kinderdae. Ons praat ook met digter Ronelda Kamfer, wat onlangs na ‘n drie maande verblyf in Amsterdam, gesels oor die vertaling van haar roman, Kompoun, in Nederlands. Ons gesels ook met Gaireyah Fredericks, wat debuteer met haar bundel, Een voet innie kabr, ‘n belangrike debuut in Moslem-Afrikaans oor die lief en leed van gewone Moslems. Hierby voeg ons Antoinette Coetzee se bespreking van Bettina Wyngaard se roman, Die loutering van Grietjie.