Man in aanhouding na hy vrou glo in Komatipoort doodskiet

'n 46-jarige vrou is Vrydag in Komaptipoort doodgeskiet - na bewering deur haar vriend. Volgens die polisie het sy as ‘n amptenaar vir die polisie gewerk. Haar liggaam is deur haar dogter ontdek toe sy van die skool af teruggekeer het huis toe. Die polisiewoordvoerder, Kolonel Donald Mdhluli, sê die 48-jarige verdagte het homself Saterdag aan die polisie oorgegee. Hy sal vandag in die Komatipoort-landdroshof verskyn op 'n aanklag van moord.