DA Mpumalanga vra dat onderwysdepartement fokus om leerlinge op skool te hou
Loading player...
Die DA in Mpumalanga het die klas van 2023 geloof vir hul verbeterde matriekslaagsyfer. Die provinsie het 'n slaagsyfer van 77-persent behaal, 'n verbetering van 0-komma-2-persent. Ehlanzeni-distrik het die beste gevaar met 81-komma-8-persent van kandidate wat geslaag het. Hoërskool Nelspruit, Hoërskool Lydenburg en Komatipoort Akademie spog onder meer met 100-persent-slaagsyfers. Jane Sithole van die DA sê egter 27-duisend-062 leerlinge wat in 2021 graad 10 begin het, het glad nie die eindeksamen geskryf nie en die departement moet harder werk om kinders op skool te hou.
