Vermeende moordenaars van sesjarige bly in aanhouding

Drie mense het vandag in die Kabokweni-hof verskyn vir die moord op die sesjarige Bontle Mashiyane buite Witrivier.
‘n Buurvrou van die slagoffer (Ntombi Mgwenya), haar moord-veroordeelde kêrel (Collen Hlongwane) en die 25-jarige Thapelo Ngomane word aangekla van ontvoering, mensehandel, verkragting en moord.
Hulle wou nie vir borg aansoek doen nie en verskyn weer op 24 Junie.
Brigadier Selvy Mohlana sê haar liggaam is gedeeltelik ontbind in dik bosse gevind, sowat 2-kilometer van haar huis af.