Boekkeuse - 21 July 2021

Welkom by ons aanbieding van Boekkeuse, ons gereelde program oor skrywers en boeke met my, Amanda Botha, as aanbieder.
Ons program vandag fokus op die digkuns –Immigrant, ‘n keur uit die gedigte van Elisabeth Eybers en Bester Meyer se vertaling, Die vlug van ‘n vreemdeling, van die Palestynse digter, Magmoed Darwiesj en Joan Hambidge se jongste bundel, Nomadiese sterre, kom ook aan die beurt.
Ook onder bespreking is Isa Konrad se roman, Toekomsmens, Pieter van Zyl se Verhale van hoop en Anton Mȕller se memoire, Ek onthou.
‘n Keur uit die werk van Elisabeth Eybers onder die titel Immigrant is deur Ena Jansen saamgestel. Dit is haar vierde bloemlesing uit Eybers se digkuns. Sy is nou aan die woord.