Lizard Rock vanoggend beroof

Lizard Rock in die Uitkyk-omgewing is op soortgelyke wyse vanoggend aangeval.
John Meintjies van ACS Sekuriteit sê dit het om ongeveer agt-uur gebeur. ‘n Groep van vyf of ses verdagtes het die eienaar vasgebind en klein items, soos selfone, uit die kroeg en sy naburige huis gesteel.
Albert Gryvenstein van Bossies Community Justice het bevestig dat een van hulle ‘n polisie-reflekteerbaadjie aangehad het.
Meintjies sê hulle het met hul eie wit Toyota enkelkajuit-bakkie sonder nommerplate gevlug.