LUR soek geregtigheid na drawwer se verkragting

Die LUR vir gemeenskapsveiligheid, Vusi Shongwe, het ‘n beroep gedoen op polisie om die man wat ‘n 33-jarige drawwer verlede week in Mbombela verkrag en in ‘n rivier gegooi het, aan te keer.
Die vrou is verlede Woensdag oorrompel en verkrag. Sy het haar bewussyn betyds herwin om uit die water te kom en hulp te ontbied.
Shongwe sê die saak moet dringend hanteer word.
Enigiemand met inligting is aangemoedig om die ondersoekbeampte te kontak by 079-256-4208.