Taxi-bestuurder voor vir strafbare manslag na baba sterf

‘n 31-jarige taxi-bestuurder is Woensdag aangekla van strafbare manslag en roekelose bestuur.
Hy het Dinsdag in Amersfoort glo twee voetgangers getref. ‘n 20-jarige man en 23-jarige vrou is beseer.
Die vyf-maande-oue baba wat die vrou gedra het, is egter op die toneel dood.
Daar word beweer dat Sibonise Patrick Mathebula met sy silwer Toyota Quantum ‘n stopstraat geïgnoreer het, terwyl hy ‘n privaatvoertuig gejaag het wat passasiers vervoer het.
Volgens kolonel Donald Mdluli het Mathebula Woensdag in die Amersfoort-landdroshof verskyn.