Witrivier-polisie in spervuur oor beweerde aanranding by stasie

Die polisie ondersoek ‘n insident waarin ‘n man gister in die Witrivier-polisiestasie aangerand is.
Delia Jordaan en Barend Byliefeldt is die oggend deur ‘n groep karre tot stilstand gedwing. ‘n Vuurwapen is op hulle gerig en hul motorruit is uitgeslaan.
Hulle is na die stasie agtervolg, waar die paartjie glo aanhou dreig is.
‘n Video wys duidelik hoe Byliefeldt voor die polisie deur die mans aangerand word.
Jordaan sê hulle is net toegelaat om ‘n ongeluksverslag in te vul.
Alma en Jan Bam vertel hulle het 'n baie soortgelyke ervaring gehad op 4 Oktober.