Diefstal van Macadamia-neute vanjaar meer

Die diefstal van Macadamia-neute in die omgewing is beduidend meer vanjaar, aldus John Meintjies van ACC Sekuriteit.
Hy skryf dit toe aan die feit dat die neute vanjaar vroeër ryp is, en dat meer mense desperaat is weens die ekonomiese inkrimping.
Hoewel die meeste boere sekuriteit baie ernstig opneem, skep enige boer wat dit nié doen nie, ‘n swak skakel.
Hy vra mense moenie goedkoop neute koop nie, maar eerder die bietjie meer betaal by betroubare winkels om die sindikate se geldbron af te sny.