Subscribe to this channel

You can subscribe to new audio episodes published on this channel. You can follow updates using the channel's RSS feed, or via other audio platforms you may already be using.

RSS Feed

You can use any RSS feed reader to follow updates, even your browser. We recommend using an application dedicated to listening podcasts for the best experience. iOS users can look at Overcast or Castro. Pocket Casts is also very popular and has both iOS and Android versions. Add the above link to the application to follow this podcast channel.

Signup to iono.fm

Sign up for a free iono.fm user account to start building your playlist of podcast channels. You'll be able to build a personalised RSS feed you can follow or listen with our web player.
26
OCT
1pm

Klas van 2020 gegroet

Die skole het gesluit en die eindeksamen begin eersdaags.
Hoërskool Nelspruit het Woensdagaand hul prysuitdeling gehou.
Sport-, kultuur- akademiese- en diensleweringtoekennings is gemaak.
Die gr. 12's se laaste skooldag op 16 Oktober was met ‘n gepaste afsluitingsdiens.
Hoof, Johan Hattingh, het tydens die laaste skooldag die martriukalente bedank vir die nalatenskap wat hulle in onseker tye kon laat.
26
OCT
12pm

Gerrit Stander-saak uitgestel in hof

Die twee mans wat Gerrit Stander verlede week glo tydens ‘n huisroof in Plaston doodgeskiet het, het vanoggend in die Witrivier-hof verskyn.
Daar was ‘n groot polisieteenwoordigheid en paaie is vir verkeer afgesper.
Die twee verdagtes is Donderdag aangekeer.
Monica Nyuswa, woordvoerder van die Nasionale vervolgingsgesag, het bevestig dat die saak uitgestel is tot volgende Maandag, 2 November.
Die mans sal na verwagting dan moontlik vir borgtog aansoek doen.
Joe Pelser van AfriForum Witrivier sê die polsie het intussen onttrek en die strate is weer gangbaar.
26
OCT
8am

Streng polisieteenwoordigheid by Witrivier-hof

Daar is vanoggend streng polisieteenwoordigheid by Witrivier-landdroshof, waar die vermeende moordenaars van Gerrit Stander sal verskyn.
Stander is 'n week gelede tydens 'n roof by sy huis doodgeskiet.
Die twee mans is Donderdag aangekeer.
Joe Pelser van AfriForum Witrivier verduidelik dat die paaie rondom die hofgebou afgeblok is deur die polisie.
Die situasie by die hof is tans rustig.
24
OCT
12pm

Rudy Oosthuyse wen 10de Cleaver-toekenning

Rudy Oosthuyse van Grove Superspar het sy 10de Cleaver-toekenning gewen.
Die jaarlikse toekennings beloon kwaliteit, higiëne, diens en waarde vir geld onder slaghuise.
Grove Superspar is nou amptelik die tweede beste vleismark onder alle supermarkte in Suid-Afrika.
Die slaghuis se 20 spanlede het vanoggend elk ‘n R250-geskenkbewys van SPAR Lowveld ontvang.
Oosthuyse sê die toekenning is te danke aan hul harde werk.
Hy voeg by dat klante daarom weet dat hulle met gemoedsrus daar kan kom koop.
23
OCT
1pm

Vermeende gewapende rowers vasgetrek na Badplaas-polisiestasie roof

Drie verdagtes wat na vermoede die Badplaas-polisiestasie in September beroof het, is aangekeer.
Die Mpumalanga Valke se kaptein Lloyd Ramovha, sê hulle is gister in Mbombela vasgetrek.
Die gesteelde vuurwapens, ‘n R5-aanvalsgeweer en twee pistole, is ook gekonfiskeer. Dit sal getoets word om te bepaal of dit in ander misdade gebruik is.
Die drie verdagtes staar klagte van gewapende roof en die besit vir die staat se vuurwapens in die gesig.
23
OCT
8am

Twee verdagtes vasgetrek na moord op Witrivier-prokureur

Twee mans is gisteroggend in KaBokweni in hegtenis geneem vir die moord op Gerrit Stander.
Hy is Maandagoggend verskeie kere geskiet tydens ‘n roof by sy huis in die Plaston-omgewing.
Volgens die Valke is die mans aangekeer toe hulle ‘n selfoon, iPad, en naaldwerkmasjien wat tydens die roof gesteel is, probeer verkoop het.
Hulle sal Maandag in die Witrivier-landdroshof verskyn.
Stander se gedenkdiens is vandag om half 2 in die NG-Kerk Suid Nelspruit.
Hy sou vandag sy 39-ste verjaarsdag gevier het.
23
OCT
8am

Mbombela-pastoor dankbaar om te lewe na fratsongeluk

Pastoor Cyzelle Fincham van die Grace Family Fellowship Nelspruit, sterk goed aan by die huis.
Dit is vandag ses weke sedert sy ernstig beseer is in ‘n fratsongeluk toe ‘n jagvoertuig omgeslaan en op haar te lande gekom het.
Na verskeie operasies om haar gebreekte bene te heg, ondergaan sy tans rehabilitasie.
Sy sê haar herstel vorder vinniger as verwag en sy glo dit is ‘n wonderwerk dat sy leef.
Fincham het die gemeenskap vir hul wonderlike ondersteuning en gebede bedank.
22
OCT
4pm

Pumas sien uit na groot kragmeting teen Stormers

Die Phakisa Pumas speel môre hul eerste rugbywedstryd van die jaar op hul tuisveld.
Hul wedstryd teen die DHL Stormers skop om 19:00 by Mbombela-stadion af.
Pumas-breier, Jimmy Stonehouse, sê hulle gaan die toeskouers mis, maar sien uit na die kragmeting.
Hy het byna geen veranderinge aan sy span, wat verlede naweek die Griekwas in Kimberley geklop het, aangebring nie.
AJ le Roux, wat beseer was, neem sy plek in as haker, met Simon Westraadt op die plaasvervangersbank.
22
OCT
2pm

Geliefde Bergvlam-onderwyser sterf

Karen Britz se skielike afsterwe het Hoërskool Bergvlam vanoggend geruk.
Sy was vir amper 32 jaar by die skool werksaam.
Haar kollega en vriendin, Sanet Steyn, sê sy het einde verlede jaar ‘n beenmurg-oorplanting ondergaan.
Dit was suksesvol maar sy het so twee weke gelede weer siek begin word.
Britz het gasvryheidstudies aangebied.
Haar twee kinders, Heinrich en Annie, was haar lewe, en haar leerlinge was besonder lief vir haar.
22
OCT
7am

Krag meestal herstel na groot onderbreking in Mbombela

Groot dele van Mbombela het gister kragonderbrekings ervaar.
Thea Rix van die Mbombela Water and Electricity-groep, sê die West Acres-omgewing was sedert gisteroggend vir sowat 18 ure sonder elektrisiteit.
Daar word verstaan dat ‘n boukontrakteur kabels beskadig het.
Die Delta-omgewing se krag is so 7-uur gisteraand onderbreek.
Toevoer na Steiltes, Valencia en Nelsville is eers teen 4-uur vanoggend herstel.
Volgens Rix is dit tans onbekend wat hierdie onderbreking veroorsaak het.
21
OCT
4pm

Toerisme herstel nog geensins nie

Terwyl die parlement die regering se ekonomiese herstelplan bespreek, sê plaaslike toerisme hulle het nog geen herstel gesien sedert inperking begin lig het nie.
Oupa Pilane, die voorsitter van Satsa in Mpumalanga, kritiseer reeds maande al die regering se lukrake benadering tot die regulasies.
Volgens Pilane hou hulle vol om glad nie die private sektor in hul besluite te ken nie.
Hy voer aan dat die regering in die openbaar al die regte dinge sê, maar in realiteit die toerismebedryf glad nie help nie.
21
OCT
11am

Innibos 2020 gekanselleer

Innibos het aangekondig dat die fees vir 2020 gekanselleer is.
Dit sou in Desember plaasgevind het.
Volgens die organiseerders is dit 'n hartseer besluit, en was hulle slaggereed om die fees aan te bied, maar is daar te veel onsekerheid weens die voortslepende Covid-19-pandemie.
Die risiko is net te groot vir almal wat deel van die fees sou wees, aldus Sandra Jacobs.

127 episodes

« Back 1—12 More »