Tekort aan ambulanse in VS kry aandag

‘n Ernstige tekort aan ambulanse in die Vrystaat gaan binnekort iets van die verlede wees soos die Vrystaatse Gesondheidsdepartement spook om parlementslede se afsnydatum te haal. Lede van die Nasionale Raad van Provinsies het die departement ‘n maand kans gegee om probleme wat hulle tydens hul besoek verlede maand aan die Gariep-distrik teëgekom het, aan te spreek. Verskeie hospitale en klinieke het aangedui dat ‘n tekort aan ambulanse dikwels tot swak dienslewering lei. ‘n Verslag oor al die probleme wat uitgelig is gaan binnekort in die parlement ter tafel gelê word. Vrystaatse LUR vir Gesondheid, Butana Komphela, sê die provinsie het reeds 60 ambulanse aangekoop.