Elands-marathon vanjaar 'n familiebyeenkoms

Inskrywings vir die TRACN4 Elands-marathon sluit Maandag. Vanjaar bied hulle ook ‘n voorwedloop ekspo aan, ‘n eerste vir ‘n padwedloop in die provinsie. Die Elands-marathon word beskou as die skilderagtigste en vinnigste kwalifiserende wedloop vir die Comrades en vind op 22 April plaas. Die voorwedloop ekspo is op 21 April by Milly’s-vulstasie op die N4. Mandla Nxumalo van die organiseerders, Nedbank LVCC-hardloopklub, sê vanjaar het Elands 'n groter familie-atmosfeer.