Nellie-atleet laat nasionale rekords spat

Juané le Roux, ‘n gr. 8-atleet van Hoërskool Nelspruit, het Saterdag tydens ‘n atletiekbyeenkoms in Boksburg drie allemintige nuwe Suid-Afrikaanse rekords in die F46-klas vir dogters o/14 opgestel.
In hierdie klassifikasie het atlete ‘n enkele amputasie bo of onder die elmboog.
Juané het die gewigstoot-rekord verbeter van 2,4 m na 12,34 m. In skyfwerp verbeter sy die nasionale rekord van 8,4 m na 36,5 m en in spiesgooi is die nuwe beste afstand in die land in dié kategorie nou 22 m – op van 7,9 m.
Sy het saam met haar afrigter, DP Badenhorst, met Robin gesels oor haar toekomsdrome.