Fenomenale gemeenskap, reddingswerkers geloof vir Selanna se redding

Selanna Biggs (19) is Sondag gevind waar sy amper 28 uur in haar motor vasgekeer was na ‘n ongeluk. ‘n Groot soektog is van stapel gestuur sedert sy Saterdagmiddag as vermis aangemeld is.
Haar ma, Melisa Biggs, sê dit was verstommend hoe die gemeenskap saamgetrek het en ingespring het om te help om na haar dogter te soek.
“As dit nie was vir die gemeenskap nie, het ons vandag by ons dogter se graf gestaan, eerder as langs haar hospitaalbed,” vertel sy vir Réhann Coetzee.
Sy het ook met hom gesels oor die pad vorentoe.
Johan du Plessis vertel ook hoe dit hulle bykans twee uur geneem het om Selanna te red nadat hulle haar kar opgespoor het.