AfriForum staan man by na aanranding by Witrivier-polisiestasie

Barend Byliefeldt wat verlede Sondag in die Witrivier-polisiestasie aangerand is, kon uiteindelik ‘n saak van aanranding en die rig van ‘n vuurwapen aanmeld met behulp van AfriForum verlede week.
‘n Video wat deur sy verloofde, Delia Jordaan, geneem is en wat duidelik toon hoe hy voor die polisie deur ‘n groep mans aangerand word, het verlede week wyd op sosiale media versprei.
Jordaan sê hulle is die dag nie toegelaat om enige sake aan te meld nie.
‘n Saak van kwaadwillige saakbeskadiging en crimen injuria is teen Byliefeldt geopen.
Marnus Kamfer, regs- en risikobestuurder van gemeenskapsveiligheid by AfriForum, het met Sanett gesels oor hoe hulle die paartjie bystaan en die belang daarvan om te verseker dat dit nie met ander mense ook gebeur nie.