DIE VERTES IN

Zirk van den Berg, in gesprek met Herman Wasserman

Aangebied deur Kwela Boeke

Duits Suidwes-Afrika, 1905. Die ontnugterde soldaat Siegfried Bock se pad kruis met dié van Lisbeth Löwenstein, ’n arm Jodin wat met ’n Duitse setlaar moet trou wat sy skaars ken, die Damara-man Mordegai Guruseb wat uit ’n konsentrasiekamp ontsnap het, en die pseudo-wetenskaplike Albert Pitzer. Zirk van den Berg gesels met Herman Wasserman oor sy navorsing vir dié roman, maar ook sy nuwe voorstedelike sprokie Ek wens, ek wens wat op pad is en die heruitgawe van sy misdaadroman, 'n Ander mens, wat met die uitreiking van die fliekweergawe saamval.