Woensdag Oggenddiens - Ds Kobus Botha

1 PETRUS 1

13Wees daarom verstandelik wakker en nugter, en vestig julle hoop volkome op die genade wat julle deel sal word by die wederkoms van Jesus Christus.

17Aangesien julle Hom as Vader aanroep wat oor elke mens onpartydig volgens sy dade oordeel, lewe dan in eerbied vir Hom gedurende die tyd van julle vreemdelingskap in die wêreld. 18Julle weet tog dat julle nie met verganklike middele soos silwer of goud losgekoop is uit julle oorgeërfde sinlose bestaan nie. 19Inteendeel, julle is losgekoop met die kosbare bloed van Christus, die Lam wat vlekloos en sonder liggaamsgebrek is. 20Reeds voor die skepping van die wêreld is Hy hiervoor bestem, maar ter wille van julle het Hy eers in hierdie eindtyd gekom. 21Deur Hom glo julle in God wat Hom uit die dood opgewek en aan Hom heerlikheid gegee het. Daarom is julle geloof en hoop op God gerig.
Weergebore deur die lewende en ewige woord van God
22Noudat julle julle in gehoorsaamheid aan die waarheid gereinig het om mekaar as broers ongeveins lief te hê, moet julle mekaar dan ook van harte en vurig liefhê. 23Julle is immers weergebore, nie uit verganklike saad nie, maar uit onverganklike saad: die lewende en ewige woord van God. 24Die Skrif sê:
“Die mens is soos gras,
en al sy prag soos 'n veldblom;
die gras verdor en die blom val af,
25maar die woord van die Here,
dít bly vir ewig.”
En hierdie woord is die evangelie wat aan julle verkondig is.
Verskaf met die komplimente van die Bybelgenootskap van Suid-Afrika. © Bybelgenootskap van Suid-Afrika. Gebruik met toestemming. Alle regte voorbehou.

Ondersteun ons en word ‘n saaier van hoop.

Vind meer uit oorAfrikaans 1983
Verken 1 PETRUS 1 se verse
Moedig jou aan en daag jou uit om elke dag intimiteit met God te soek.
BEDIENING
Iets oor Ons
Werksgeleenthede
Vrywilliger
Webjoernaal
Media
NUTTIGE SKAKELS
Hulp
Skenk
(2,813) Bybelweergawes
(1,873) Bybeltale
Vers-van-die-dag
'N DIGITALE BEDIENING VAN
Afrikaans (South Africa)
© 2022 Life.Church / YouVersion

Privaatheidsbeleid
Voorwaardes