Leefwêreld van die Gestremde

RSG  |  Afrikaans  |  Podcast, ±22 min episodes every 1 week
Deur middel van hierdie radioprogram poog RSG om nie-gestremdes 'n beter begrip te gee van die probleme en suksesse van persone met gestremdhede.
11
JUN
Dis Jeugmaand en Fanie du Toit vertel van opleiding in Worcester vir siggestremde jongmense. Jacqui January het meer oor inklusiewe onderwys en naskoolse onderrig vir doof-blinde kinders uitgevind.
04
JUN
Jacqui January het meer uitgevind oor Kinderbeskermingsweek en hoe gestremde kinders geraak word deur die wetgewing. Fanie du Toit gesels met die mense van Huis Horiston in Stellenbosh en hoor hoe hulle ouer mense, met al hulle uitdagings, integreer in die gemeenskap.
28
MAY
Fanie du Toit vertel van 'n jong blinde man wat sy droom as barista uitleef. En Jacqui January hoor hoe om jong gestremdes in die arbeidsmark te vestig deur middel van vakleerlingskappe.
21
MAY
Fanie du Toit hoor hoe gestremdes in gemeenskappe uitgesluit word en die uitdagings om openbare vervoerstelsels toeganklik te maak. En Jacqui January verneem hoe gestremdes deur die Wêreld Gesinsdag-inisiatief gehelp en opgelei kan word.
14
MAY
Fanie du Toit gesels met 'n vrou wat 'n deel van haar breinkapasiteit verloor het tydens 'n motorongeluk. Dit het tot 'n wanbalans gelei, maar sy het deurgedruk en is deesdae 'n skrywer. En Jacqui January gesels met 'n pleegma oor die uitdagings van haar sesjarige dogtertjie met die breinkapasiteit van driejarige.
07
MAY
Jacqui January vertel van lewensveranderende aanpassings wat deur 'n gesin gemaak moes word ná 'n motorfietsongeluk waarin George Adams se voet geamputeer is. En Fanie du Toit hoor hoe 'n jong vrou in 'n rolstoel haar drome uitleef.
23
APR
Jy kan in enige stadium van jou lewe 'n epileptiese aanval kry. Epilepsie SA vergelyk so 'n aanval met toerisme-ervarings wat jy die eerste keer meemaak, om bewustheid te kweek t.o.v. epilepsie. En Jacqui January hoor van dagsorgsentrum wat 60 jaar gelede deur 'n ma gestig is vir haar gestremde seun. Die sentrum doen baanbrekerswerk ter ondersteuning van gestremde kinders en hulle families.
02
APR
Jacqui January leer meer van taalopleiding (gebare- of liptaal) vir ouers, vrywilligers en versorgers van gestremdes. En Fanie du Toit vertel meer van universele toeganklikheid by nasionale parke en blouvlag-strande.
26
MAR
Fanie du Toit gesels met 'n mediese dokter wat vertel van 'n unieke ondersteunende terapie wat hulle op hulle dogter pas na geboorte toegepas het. En Jacqui January gesels met 'n skoolhoof waar jong dowe kinders saam met horende kinders hulel leer-uitdagings oorkom.
19
MAR
Jacqui January vind meer uit oor die werk wat die SA Federasie vir Geestesgesondheid doen. En Fanie du Toit gesels met 'n vrywilliger oor die vreugdes om met gestremde mense te werk.
12
MAR
Fanie du Toit gesels met 'n blinde klavierstemmer, wat ook skryf en so sy kreatiwiteit uitleef. En Jacqui January hoor meer van 'n inisiatief om toeganklikheid, of is dit ontoeganklikheid, vir gestemdes te belig.
05
MAR
Jacqui January hoor van 'n jong man, wat gestremd gelaat is na 'n duikongeluk, se passie vir visvang en die netwerk wat daardeur ontstaan het. En Fanie du Toit gesels met 'n ma van 'n gestremde kind oor ondersteuning vir ander ouers en familie van gestremde kinders.