Subscribe to this channel

You can subscribe to new audio episodes published on this channel. You can follow updates using the channel's RSS feed, or via other audio platforms you may already be using.

RSS Feed

You can use any RSS feed reader to follow updates, even your browser. We recommend using an application dedicated to listening podcasts for the best experience. iOS users can look at Overcast or Castro. Pocket Casts is also very popular and has both iOS and Android versions. Add the above link to the application to follow this podcast channel.

Signup to iono.fm

Sign up for a free iono.fm user account to start building your playlist of podcast channels. You'll be able to build a personalised RSS feed you can follow or listen with our web player.
27
MAR

Kat en hond 27 Maart 2021

Alle goeie dinge kom tot ‘n einde, en dis ook die geval met Kat en Hond. Na agt maande se heerlike saamkuier groet Lizma van Zyl met hoogtepunte van die reeks. Kenners deel vir oulaas hulle wyshede oor troeteldierversorging,  en ‘n paar van die bekendes met wie Lizma gesels het, vertel van hulle lief en leed en passies met hulle troeteldiere.
20
MAR

Kat en hond 20 Maart 2021

In die voorlaaste program van die reeks kyk ons na al die belangrikste aspekte van troeteldierversorging. Lizma van Zyl gesels met veearts dr. Hector Dreyer, wat verduidelik hoekom die regte kos, genoeg oefening en aandag so belangrik is. Hy gee ook wenke oor hoe om gesondheidsprobleme op te tel.
13
MAR

Kat en hond 13 Maart 2021

Ons honde en katte kommunikeer heeltyd met ons, maar tog is daar ‘n groot gebrek aan begrip wannneer dit by ons vierbeenkinders se lyftaal kom. Lizma van Zyl gesels met gedragskenner Madre Henderson wat die sluier lig oor katte en honde se geheime taal. Madre se wenke sal help om jou band met jou troeteldiere te versterk, en sal jou ook bedag maak op gesondheid- en ander probleme.
06
MAR

Kat en hond 6 Maart 2021

Lizma van Zyl kuier in Khayelitsha om meer uit te vind oor ‘n reuse sterilisasieveldtog, en vat dan die pad Keurboomstrand toe. Hier gaan kuier sy by twee mense wat na aan die aarde en ook aan hulle diere leef, Elbie Steyl en Izak Botha.
27
FEB

Kat en hond 27 Februarie 2021

Om ‘n veearts te wees, is nie aldag maklik nie. Lizma van Zyl kuier by dr. Morné de Wet om te hoor wat die uitdagings en vreugdes van sy beroep is.  Hy vertel onder meer van die harde bene wat hy aanvanklik moes kou weens die feit dat hy allergies is vir diere. Morné gee ook raad aan jongmense wat graag in dié rigting wil studeer.
20
FEB

Kat en hond 20 Februarie 2021

Daar is nie baie mense wat die wil of geduld het om vir ‘n verwaarlooste, wilde kat, ‘n huis te gee nie. Marian van Wyk van die tydskrif TUIS het egter dié uitdagende pad gestap met haar Nebukatneser – ‘n kat wat vir lank nie sonder handskoene aangepak kon word nie. Lizma van Zyl gesels met Marian oor haar uitdagende reis met dié diertjie, en katafrigter en -gedragskenner Madré Henderson staan reg met uitstekende wenke vir wanneer so ‘n kat jou pad kruis.
13
FEB

Kat en hond 13 Februarie 2021

Die siggestremde Matiestudent Michelle Nell is nie net ‘n uitblinker op akademiese gebied nie, maar ‘n inspirasie vir almal met haar ingesteldheid teenoor die lewe. Lizma van Zyl kuier by Michelle en gesels oor haar groot hartseer - om afskeid te neem van haar geliefde gidshond Donna wat ná 12 jaar aftree. Michelle deel ook wenke aan siende mense oor die hantering van blinde persone en hulle gidshonde.
06
FEB

Kat en hond 6 Februarie 2021

Dit is traumaties om ‘n troeteldier te verloor. Iemand wat al bykans twee maande lank naarstigtelik na haar hondekind soek, deel haar ervaring. Lizma van Zyl gesels met Soné Louw van Pretoria oor haar verbete stryd om haar beagle, Luke, op te spoor. Lizma gesels ook met dieregedragskenner Jackie Hayman oor wat ons te doen staan wanneer ons vierbeenkinders vermis raak.
30
JAN

Kat en hond 30 Januarie 2021

‘n Groep vriende se liefde vir hulle troeteldiere en hulle behoefte aan antwoorde nadat hulle hond- of katkinders weens kanker gesterf het, het tot baanbrekerswerk gelei. Lizma van Zyl gesels met Munnik Marais oor sy nuwe nie-regeringsorganisasie, SAACA, wat hom toespits op kanker onder huisdiere. Dr. Frans Pretorius wat ‘n belangrike lid van dié span is, verskaf waardevolle inligting en nuttige wenke.
23
JAN

Kat en hond 23 Januarie 2021

Sekere soorte lelies is uiters giftig vir katte. Lizma van Zyl het, danksy ‘n luisteraar, hiervan te hore gekom en by dr. MC Franken van die Hermanus Dierehospitaal gaan aanklop vir meer inligting. Hy beantwoord ook ‘n paar interessante vrae waarby baie troeteldiereienaars sal baat, soos hoe om jou hond, wat dalk ‘n ontsnappingskunstenaar is, veilig tuis te hou.
16
JAN

Kat en hond 16 Januarie 2021

Talle mense skaf oor die feestyd babahondjies aan sonder om te besef met wat se verantwoordelikheid dit gepaard gaan.  Lizma van Zyl praat met dr. Ingrid de Wet, 'n veearts, oor die noodsaaklikheid van aandag en opleiding wanneer jy ‘n babahondjie deel van jou gesin maak. Sy gee raad oor waar om te gaan aanklop vir klasse, en wat jy self kan doen om ‘n rustige, goed gebalanseerde hondekind te hê.
09
JAN

Kat en hond 9 Januarie 2021

Die mense wat haar ken, beskryf haar as ‘n engel in die dierewêreld. Dis Micky Schlachter van die Universiteit van Johannesburg wat haar daagliks oor wilde katte én ander diere ontferm. Lizma van Zyl gesels met Micky, en gaan loer weer in by joernalis Marguerite van Wyk wat, ná die dood van haar lieflingkat, ‘n nuwe huismaat het.

38 episodes

« Back 1—12 More »