Subscribe to this channel

You can subscribe to new audio episodes published on this channel. You can follow updates using the channel's RSS feed, or via other audio platforms you may already be using.

RSS Feed

You can use any RSS feed reader to follow updates, even your browser. We recommend using an application dedicated to listening podcasts for the best experience. iOS users can look at Overcast or Castro. Pocket Casts is also very popular and has both iOS and Android versions. Add the above link to the application to follow this podcast channel.

Signup to iono.fm

Sign up for a free iono.fm user account to start building your playlist of podcast channels. You'll be able to build a personalised RSS feed you can follow or listen with our web player.
10
MAR
2020

BOEKKLUB: DIE MUSIEK VAN ‘DIE DAO VAN DAAN VAN DER WALT’

Andries Buys alias Lodewyk G du
Plessis gesels met Danie Marais

Aangebied deur Tafelberg

Hy’s die man van die uur, die debutant
wat in 2019, op 80, elke liewe literêre
prys van die jaar ingepalm het.
Oudregter Andries Buys het sy hartseer￾snaakse Die dao van Daan van der Walt
onder die skuilnaam Lodewyk G du
Plessis geskryf. Maar dit is as Daan dat
hy vanaand sy musieksmaak á la Die dao
met Danie Marais deel as ’n eksklusiewe
“episode” van Danie se RSG-reeks,
Skrywers en musiek
10
MAR
2020

YUSUF DANIELS: DIE COLOURED LAAITIE VAN DIE FLATS

Met: Schalk Bezuidenhout

Aangebied deur Jacana Media

Dis snaaks en dis hartseer, dit laat jou
uitbars van die lag en ’n traan afvee.
Living Coloured (Because Black and
White Were Already Taken) het op
Facebook begin. Maar gou het dié
sketse van Yusuf Daniels oor die Kaapse
Vlakte in die era van die Space Odyssey￾nagklub en ma’s se pantoffelregering,
toe swaarkry met lekkerkry klaargekry
is en ’n bak breyani koningskos was op
enige troue, só gewild geword dis nou ’n
boek... “True story”. Hy gesels met Schalk
Bezuidenhout.
10
MAR
2020

PIETER DU TOIT: DIE STELLENBOSSE MAFIA

In gesprek met Ryk van Niekerk

Aangebied deur Jonathan Ball Publishers

Wie is die “Stellenbosch-mafia” wat
so kort-kort in die Steinhoff-stories
opduik? Pieter du Toit, skrywer
van The Stellenbosch Mafia: Inside The Billionaires’ Club, en Sake24-
arbeidsverslaggewer Jan de Lange
bespreek vrae soos hoekom die irritasie
met die Stellenbosch-biljoene, wie’s
die “ou geld” en wie die “inkommers”,
en hoe is die Ruperts, Wieses, Moutons
en Jooste verbind, met Moneyweb-redakteur Ryk van Niekerk.
10
MAR
2020

MAGIESE MADAGASKAR

Met: Catherine du Toit, Naòmi Morgan
en Johanna Steyn

Aangebied deur die Agence
Universitaire de la Francophonie

’n Geniale, maar haas onbekende
digter van Madagaskar se poësie lei
tot ’n grensverskuiwende, veeltalige
vertaalprojek tussen Afrikaans, Engels en
Frans, wat veral wys op die besondere
affiniteit tussen Frans en Afrikaans.
Catherine du Toit, Naòmi Morgan en
Johanna Steyn vertel meer van die
Jean-Joseph Raberivelo Digter sonder
grense-projek, terwyl musiek die regte
atmosfeer skep.
10
MAR
2020

HERMANN GILIOMEE: ‘MAVERICK’ AFRIKANERS

Met: Albert Grundlingh

Aangebied deur Tafelberg

Suid-Afrika se top-historikus rig in
Maverick Africans sy vlymskerp blik veral op dit wat ongewoon is aan die relatief
klein groep Afrikaners. Die NG Kerk se
invloed op apartheid, die buitengewone
rol wat Afrikanervroue gespeel het,
ontplooiing in die staatsdiens, en die
vraag oor korrupsie onder apartheid
kom onder meer onder die loep, met in
die laaste hoofstuk “die gebroke hart
van die Afrikaners”. Albert Grundlingh lei
die gesprek.
09
MAR
2020

BOEKKLUB: 50 JAAR MET FRED

Met: Bun Booyens as gesprekleier,
Tony Leon en ander

Aangebied deur Jonathan Ball
Publishers

Die Burger en Fred Mouton is soos vis
en tjips of spek en eiers. En g’n wonder
nie – dié spotprenttekenaar is al ’n hele
50 jaar by die koerant. Bun Booyens,
oudredakteur en samesteller van 50 Jaar
met Fred, wys voorbeelde van die meer
as 10 000 prente wat Fred oor vyf
dekades geteken het en deel staaltjies
oor sy hebbelikhede met, onder andere,
Tony Leon, wat as leier van die Opposisie
heerlik onder Fred se pen deurgeloop
het. Getekende eksemplare is te koop.
Meer as 100 van Fred se prente word
ook in die voorportaal van die Adam
Small Teater uitgestal, en afdrukke is
daar te koop.
09
MAR
2020

SUNA VENTER￾GEDENKLESING

Gelewer deur Quinton Adams

Die joernalis Suna Venter, wat in 2017 op
32-jarige ouderdom aan Gebroke Hart￾sindroom (streskardiomiopatie) dood is,
het as lid van die sogenoemde SABC 8
opgestaan teen sensuur by die SABC.
Saam met haar sewe kollegas ontvang
sy die Nat Nakasa-prys vir mediavryheid
– maar betaal ook met haar lewe weens
volgehoue intimidasie en teistering.
Quinton Adams is ’n opvoedkundige
sielkundige, etnografiese navorser en
skrywer wat spesialiseer in volhoubare
sosiale ingrypings. Hy is deeltydse lektor
aan die Universiteit Stellenbosch en die
stigter van The Shack Builder, ’n projek
wat nuwe wonings bou vir mense in
informele nedersettings.
09
MAR
2020

MADAM & EVE – 25 YEARS LATER

Aangebied deur Jacana Media

Ouma met haar jenewertjie, Kleinsus
voor die TV en Eve wat kommentaar
van agter die strykplank mompel...
Ná meer as 25 jaar verruil die ikoniese
Madam en Eve-strokie die koerant vir
die rekenaarskerm. Maar hul papierboeke
verskyn nog, en met hul jongste,
The 4th Revolution, op die rak, vertel –
en wys – Stephen Francis en kunstenaar
Rico Schacherl waar dit begin het en
wat die inspirasie was vir wat Zapiro
’n “superb mixture of sitcom, satire and
South African stuff” noem.
09
MAR
2020

HOF TOE!

Johann Kriegler, Thuli Madonsela
en Dennis Davis gesels met
Andreas van Wyk

Aangebied deur Jonathan Ball
Publishers

Is ons howe die nuwe politieke slagveld?
Johann Kriegler, Thuli Madonsela en
Dennis Davis bespreek dié verskynsel
met Andreas teen die agtergrond van
die dramatiese toename in oënskynlik
politieke geregtelike veldslae waarna
Lawfare – Judging Politics In South
Africa deur Dennis en Michele le Roux
verwys. Maar waarskuwingsligte flikker:
Die Nasionale Vervolgingsgesag sê
hul geld is op, en Julius Malema en
die EFF dreig die regbank.

27 episodes

« Back 13—24 More »