17
SEP
8am
Bosbokkie ry fiets na sy redding
In Februarie vanjaar het 'n Baaise fietsryer naby die universiteit 'n baba bosbokkie langs Marine-rylaan sien lê. Omdat die ma nêrens te sien was nie, het hy die bokkie opgetel, onder sy arm vasgehou en verder getrap om hom na veiligheid te bring. Ná sewe maande se rehabilitasie is die rammetjie, sir Mark, nou reg om in die natuur vrygelaat te word danksy die liefdevolle versorging van Marizanne Kemp-Ferreira. Sy help om weerlose babadiertjies, van muishond tot boerbokkie, skaap en wildsbokkie, groot te maak. Mariska Spoormaker het by haar gaan inloer.
17
SEP
8am
17
SEP
7am
Paternoster slaan jou voete onder jou uit
Van snoek en patat, tot kuns en asemrowende kusnatuurskoon - Dis wat die Weskus vissersdorpie Paternoster bied. Dit slaan behoorlik jou voete onder jou uit, sê die inkommers – soos die locals na die stadsjapies verwys.
17
SEP
7am
Versoening in 'n maatskappy
Izelda Swanepoel vertel hoe om versoening binne 'n maatskappy of onderneming te bevorder.
16
SEP
8am
Digter Carina van der Walt
Carina van der Walt vertel vir Johan Rademan en Martelize Brink van haar digkuns en projekte saam met landskapkunstenaar Strijdom van der Merwe.
16
SEP
8am
16
SEP
7am
Geldgids - Episode 12
HGG Finansiële Groep bied die reeks, Geldgids, aan om in dié tyd van geldverknorsing hoop te gee en kennis oor te dra. Niek van den Berg en Eduan Basson, albei verbonde aan HGG se Welvaart-sake-eenheid, lig ons toe oor versekering - van risikodekking en lewensversekering tot inkomste-ongeskiktheidsversekering. Daarby wys hulle die voordele daaraan verbonde, en ook die slaggate, uit.
16
SEP
7am
Gemeenskapsleiers teen geslagsgebaseerde geweld
Dr. Ruben Richards vertel vir Johan Rademan en Martelize Brink hoe manlike gemeenskapsleiers teen geslagsgebaseerde geweld mobiliseer word.
15
SEP
8am
Fotoverhaal oor diabetes
Dr. Burt Davis vertel van Gertie se groot geheim, 'n fotoverhaal wat ontwikkel is om mense te help om verantwoordelikheid te aanvaar vir hulle diabetesdiagnose.
15
SEP
8am
15
SEP
7am
Kariega-sentrum staan swanger vroue in krisis by
Op Kariega, vroeër bekend as Uitenhage, vind jy talle vrywilligers wat vroue en meisies bystaan wat 'n krisis beleef omdat hulle swanger is. Dié ondersteuning word nie net tydens swangerskap gebied nie, maar kan selfs 'n paar jaar ná die geboorte van die kind duur. Mariska Spoormaker wou by Johanna George, direkteur van die New Life Crisis Pregnancy Centre, weet wat ‘n krisis-swangerskap is.
15
SEP
7am
Ivy Kinnear
Ivy Kinnear was 27 jaar lank 'n hoërskool biologie-onderwyseres, waarna sy 12 jaar lank omgewingsopvoedkundige by UWK was. Sy kom oorspronklik van die skilderagtige sendingstasie, Zoar, tussen Calitzdorp en Ladismith. Sy vertel vir Haidee van huiskos, haar liefde vir Afrikaans en hoe sy verlede jaar, op 72, die voorbladgesig van die erfenistydskrif, Koe'sister, se Kersuitgawe was. En, terloops, Ivy se Sub-A onderwyseres leef nog, en is 93 jaar oud!
