Subscribe to this channel

You can subscribe to new audio episodes published on this channel. You can follow updates using the channel's RSS feed, or via other audio platforms you may already be using.

RSS Feed

You can use any RSS feed reader to follow updates, even your browser. We recommend using an application dedicated to listening podcasts for the best experience. iOS users can look at Overcast or Castro. Pocket Casts is also very popular and has both iOS and Android versions. Add the above link to the application to follow this podcast channel.

Signup to iono.fm

Sign up for a free iono.fm user account to start building your playlist of podcast channels. You'll be able to build a personalised RSS feed you can follow or listen with our web player.
21
NOV
2016

Episode 28

Bune Phoshi o li tamba fhedzi li khou swika hune la tandedza na ene mune. Kha episode hei ri khou pfa nga ha tshiphiri tshe Poshi a vha natsho a dzumbela munwe na munwe hu tshi katelwa na mme awe, fhedzi kha episode hei, u ri zwi farisa’ni u namela tshikepe wa imisela vha re nnda zwanda u tshi sumbedza unga u khou takala ngeno u tshi tou zwi divha uri tshikepe tshe wa namela tshi khou nupela. Nga vha pfe manzhi kha tshipida hetshi.
21
NOV
2016

Episode 29

Phoshi o vhuya madaloni he a diphinesa e Victoria Falls na dokotela wawe. Tsho salaho ndi thalutshedzo kha Majestos na Vho-Balamutshenzhe ya uri o vha e ngafhi lwa maduvha mararu nahone o tsima foun. Nga vha thetshelese tshipida hetshi vha pfe uri musidzana munumunu u tamba hani nga mihumbulo ya maduna.
21
NOV
2016

Episode 30

Shangoni a huna mutali, a no diita mutali, tshashu ndi u sokou amba uri “Tshete, ri vhone nga mato.” Musi Vho-Balamutshedzhe vha tshi pandamedzana na Phoshi, vho vha vha tshi ri vho thanya, na Phoshi na ene a tshi fhuredzela Vho-Balamutshenzhe o vha a tshi ri o thanya.

Zwo ralo-vho kha Ses Dudu, Majestos, Dokotela na Vho-Bulannga. Nga vha thetshelese tshipida hetshi vha pfe uri ri tshi ri tshete ri vhone nga mato ri vha ri tshi khou amba zwifhio.
17
NOV
2016

Episode 22

Vhutambe tambe ha Ses Dudu na Portia ha u tamba nga maduna mararu, Munaza u khou fulufhedzisa u vhu thafhisa. Nga vha thetshelese vhukoni ha Munaza, tshipida tshi no khou tambiwa nga Dokotela Sampson Dangale, Ses Du, tshipida tshi no khou tambiwa nga lidzhakandila Lufuno Margaret Mathalise na Porti, tshipida tshi no khou tambiwa na mutambi muswa kha dirama dza Phalaphala Fm, u tshee muswa fhedzi u fhisa u fhira murambo u kha di bvaho bodoni.
17
NOV
2016

Episod 23

Tshivenda tshi ri u songo lila u bvisa lufhanza lu re itoni la murathu wau ngeno itoni lau hu na danda. Vho-Balamutshenzhe thoho ya tshikolo, vha khou lwa na mudededzi wavho Vho-Bulannga vhane vha khou vha vhona mulandu wa u la tshivhidzoni. Avha Vho-Balamutshenzhe vhone vha khou ita zwifhio? Kani ndi ala a uri “ni vha pfe zwine vha amba zwone hone ni songo edza zwine vha ita? Nga vha diphine nga vhukoni ha Mashudu Mabonyane, “Dzomo la venda” a no khou tamba sa mudededzi Vho-Bulannga.
17
NOV
2016

Episode 24

Vhana vhe Porshi a hwala vhone ndi vhararu, vhanna vhane a khou pfana navho ndi vhararu. Naa zwavhudi vhudi avha vhana ndi vha nnyi? Ndi vha Dokotela, Majestos kana Vho-Balamutshenzhe? Nga vha thetshelese tshipida hetshi vha pfe uri Ses Dudu vha tamba hani nga vhanna havha hune vhothe vha khou pfala vha tshi khou zwi tenda uri vhana vho hwalwaho nga Poshi ndi vhavho.
17
NOV
2016

Episode 25

Vhanwe vha ri mufumakadzi zwi amba uri “a sa dzi”. Nga vha thetshelese tshipida hetshi vha pfe uri vha tendaho kha hezwo vha fovhedza mikombo hani nga thoni. Vho-Selina vha khou disa thandululo I no do fusha muta wothe malugana na vhana vho hwalwaho nga Phoshi. Nga vha pfe thandululo heyo nga u thetshelesa tshipida hetshi hune mufumakadzi o vhea mbiti kule a fuka vhuhwavho ngeno line a khou posa dafulani li fhungo khithi.
17
NOV
2016

Episode 26

Tshivenda tshi ri nawa ri la ri vhanzhi u zwimbela dzi a talula. U hone mulayo wa muhasho wa pfunzo u no ita uri maduna naho e zwinada a rengedele sa lutanga lu madini nga nyofho. Vho-Bulannga vha khou tangana na mulayo wonoyo, nahone vha khou zwi vhona uri a vha nga ponyi. Nga vha digede nga tshipida hetshi ngauri ndi tsivhudzo kha lushaka.
17
NOV
2016

Episode 27

A huna tshithu tshi no vhavha u fhira u itwa tshidahela. Majestos u khou shandulwa tshidaela nga Ses Dudu na Munaza. Naho hu tshi pfi vhanna ndi vha maanda, maanda hayo kha mufumakadzi a noka sa muxwatu wo dzhenelwa nga mufhiso. Majestos o da o fhufhumelwa a tshi ri Porshi u khou mu ladza nga gungupea, fhedzi u khou wana Ses Dudu vho digedela ene, mbiti dzila na he dza dzhena, nga vha diphine nga tshipida hetshi uri na vhone vha si dzulele ngomu sa mano a khuhu vha tshi ri vha maanda ndi vhanna.
15
NOV
2016

Episode 21

Hu na hune mufumakadzi a tshi lila tshililo tsha hone vha pfa tshi tshi tou dzhena na maramboni. Nga vha pfe vhukoni ha mutambi Naledzani Constance Raphulu, a no khou tamba sa Vho-Selina mufumakadzi wa Vho-Balamutshenzhe, tshipida tshi no khou tambiwa nga mutambi Mavhungu Witness Manenzhe. Tshililo tsha Vho-Selina tshi khou thukhuwa nga musi vho pfa u pfi munna wavho o tshinya musidzana Portia, a hongo lavhelelwa nwana muthihi, nga vha thetshelese uri ndi vhana vhangana.

10 episodes