Subscribe to this channel

You can subscribe to new audio episodes published on this channel. You can follow updates using the channel's RSS feed, or via other audio platforms you may already be using.

RSS Feed

You can use any RSS feed reader to follow updates, even your browser. We recommend using an application dedicated to listening podcasts for the best experience. iOS users can look at Overcast or Castro. Pocket Casts is also very popular and has both iOS and Android versions. Add the above link to the application to follow this podcast channel.

Signup to iono.fm

Sign up for a free iono.fm user account to start building your playlist of podcast channels. You'll be able to build a personalised RSS feed you can follow or listen with our web player.
27
NOV

#JouMenseMyMense saam met SPAR - #16days by Lyttleton Polisiestasie

Die wêreldwye 16dae van aktivisme teen geweld, teen eintlik maar alle en enige mense, is jaarliks tussen 25 November en 10 Desember. Dis in hierdie tyd wat ons vanoggend by die polisiemanne en -vroue van Lyttleton Polisiestasie gaan kuier het. Hulle kry soveel keer eerstehands te doen met presies dit waarteen ons opstaan. En hulle raak ook moedeloos omdat daar so baie slagoffers is en die persone wat moet help en die hulpmiddele soos plekke van veiligheid, is te min. Hulle waarneming van hoe die hoeveelheid aanmeldings van slagoffers toeneem tydens die 16 dae teenoor die res van die jaar, sê iets van ‘n veldtog wat help om die stilte te breek…

Adjudant offisier, Coenie de Beer wat betrokke is by gemeenskapmisdaadvoorkoming en sy span het besluit om met ‘n gebaar van liefde en omgee ‘n stukkie sagtheid te bring teen die hardheid en gebrokenheid van ons gemeenskap waarmee hulle dag tot dag gekonfronteer word. Hulle het met groot moeite en spesiale detail bederfpakkies vir die kinders van Ki-deo opgemaak waarvoor ons vriende van SPAR ‘n duisend rand se toiletware bygedrae het. Hierdie kinders kom almal uit haglike omstandighede. Die huisouers, Hein en Theresa Geldenhuys wou juis wegbreek van die tipiese stelsel waar kinders soos ‘n “probleem” heen en weer rondgeskuif word en het toe 13 jaar gelede saam met hulle eie drie kinders in ‘n huis ingetrek. Binne twee weke was daar 11 kinders wat vir die eerste keer ‘n stabiele, liefdevolle huis en ‘n gesin om aan te behoort, leer ken het.
20
NOV

#JouMenseMyMense saam met SPAR 20 November 2018 – Ilse-marie van Huyssteen

Vanoggend het Ilse-marie drie van haar vriendinne by Caffe Frescatti in Brooklyn Mall ontmoet. ‘n Span van 16 mense het skelm by die tafeltjies om hulle posisie ingeneem en gewag dat Su-an uit die ateljee bel. Ons wou simboliese vir Ilse-marie wys hoe vreemde mense wat van haar gehoor het, uit alle rigtings kom om te probeer help... Een vir een het hulle opgestaan en nadergestap met ‘n koevertjie in die hand en dit dan voor haar neergesit:
“Caffe Frescatti het die ontbyt vir julle geborg...”
“Ons vriende van SPAR gee graag vir jou ‘n geskenkkaart vir kruideniersware...”
“’n Anonieme borg wil graag betaal vir die herstel van jou Bakkie sodat jy hom ook kan inspan in jou besigheid of vir aflewerings vir ‘n ekstra inkomste...”
“Iemand wat omgee, skenk vir jou twee goeie tweedehandse skootrekenaars vir jou werk of besigheid en ‘n playstation vir jou kinders saam met 17 games...”
Moeggesukkel se spysenieringspan het reeds al die platters vir die begrafnis gemaak “maar,” sê Jacques Papenfus, “ons wil ook help met die herstel van jou ander voertuig sodat jy hom dalk kan verkoop om te help met van die onvoorsiene uitgawes...”
“’n Anonieme borg wil graag jou kragrekening betaal vir die volgende 3 maande...”
“En vir Dandré se kleuterskool (R4500...”
“En vir die huur van jou huis vir die volgende 3 maande (R16 200)...”
“En dan die bedrag afrond na R30 000 met ‘n verdere R4700 skenking wat jy kan gebruik hetsy vir kruideniersware of ‘n kersgeskenkie vir die kinders...”

Baie, baie dankie vir almal wat hierdie groot geskenk ter waarde van ongeveer R45 000 moontlik gemaak het en sommer net hulle arms om Ilse-marie kom gooi het sodat sy die liefde en omgee van ‘n hele gemeenskap in hierdie baie moeilike tyd, aan haar lyf kon voel...
13
NOV

#JouMenseMyMense – 13 November 2018 – Die Feldman-gesin

Baie van ons se blootstelling aan die oorweldigende hoeveelheid plaasaanvalle, is dit wat ons lees op die lamppale of die swart en wit skokkende feite van ‘n koue kliniese nuusberig of bulletin.
Feite soos Robbie (56), sy vrou Hester (52) en hulle 16 jarige seun, Frikkie wat geslaap het toe vier gewapende aanvallers hulle 2 uur op die oggend van 11 Oktober 2018 oorval het. Robbie kan nie onthou wat gebeur het nie, maar die berigte wat hy lees vertel daar was ‘n gestoei, skote is afgevuur, vermoedelik deur een van die aanvallers en een van die rowers is in die bors getref en later dood langs waar Robbie gelê na hy met ‘n yster oor die kop geslaan is en sy oor afgeskeur is. Hester en Frikkie, is met skoenveters vasgebind en herhaaldelik geskop en geslaan. Die oorblywende rowers het die huis geplunder en toe te voet gevlug met onder andere skootrekenaars, selfone en al Robbie se pensioengeld na hy onlangs geretrench is. ‘n Huurder op die paas het 04:00 van nagskof teruggekeer, hulle daar vasgebind gevind en hulp ontbied. Robbie is per ambulans na die George Mukhari-hospitaal vervoer. Sy toestand was ernstig maar stabiel met onder andere ‘n skedelbreuk en ander hoofbeserings.
Maar die eintlike storie is soveel meer as die woorde of verslae wat geskryf is en die hoop en getuienis te midde van hierdie slegte gebeurtenis het ons vanoggend eintlik totaal onkant gevang. ‘n Getuienis wat Robbie vir die Here belowe het, hy sal deel en ons vandag vir die eerste keer kon hoor…
Dankie vir SPAR vir kruideniersware, Faith Durie vir die gesin se gebedskussings en Johan Kloppers van Afriforum vir jou bystand en ondersteuning aan hierdie gesin wat soos Robbie sê eintlik nou weer van vooraf moet begin.
As jy hierdie gesin op enige manier kan bystaan, kan jy gerus hulle dogter, Rene Kriel kontak by 079 013 8761 of die volgende bankbesonderhede gebruik: R.A. Feldman, CAPITEC, Rekeningnommer 1601450573, Takkode 470010.
06
NOV

#JouMenseMyMense - 6 November 2018 - Die karwagte van Monumentpark SuperSPAR

Elke week koop Lindie by Monumentpark SuperSPAR die blommetjie, geskenk of sakkie kruideniersware waarmee sy iemand gaan verras as deel van ons #JouMenseMyMense projek in samewerking met SPAR. Sy het eintlik al ‘n nie-amptelike staande afspraak met die vriendelike karwagte in die parkeerarea wat weet dat sy iewers deur die loop van ‘n Dinsdagoggend die inkopies sal kom doen. Hulle luister self getrou GROOTfm oppad werk toe en terug en is daarom altyd gretig om te help inpak en om te hoor by wie Lindie hierdie keer gaan kuier. En dan vertel Lindie vir hulle die storie!

Vanoggend was ou Nico, Hendrik, Willem, Francois, Oom Thys, Gerda en die res van die span totaal uit die veld geslaan toe dit hulle beurt is vir ‘n verrassing! Danksy ons vriende van SPAR kon Lindie vir elkeen van die 10 karwagte bederf met ‘n sak kruideniersware. Terwyl ons deur die parkeerarea loop om almal se pakkies uit te deel en met Su-an op lug gesels, hoor Tannie Una van Pierre van Ryneveld dat ons by “haar mense” is. ‘n Paar minute later stop sy by die SPAR om persoonlik te kom vertel wat hierdie manne en vroue al vir haar beteken het. Toe sy van Heidelberg af verhuis het na Pretoria het sy niemand geken nie. Die karwagte was meer as net ‘n vriendelike gesig wat ‘n handjie bygesit het om te help met haar pakkies. Hulle was haar geselskap, haar mense en is vandag nog haar maatjies. So ook die tannie wat nou-nou vir Nico vertel het van haar seun se huis in George wat afgebrand het. Al kan Nico niks doen om dit vir haar beter te maak nie, is hy en sy mense – ons mense – daar om te dien met ‘n oor wat altyd bereid is om te luister…
30
OCT

#JouMenseMyMense – 30 Okt 2018

Rachel is een van die oudste lede van @Eleos – ‘n niewinsgewende organisasie wat reeds die afgelope 20 jaar minderbevoorregte kinders en gesinne in Pretoria-Wes help. Eleos naam beteken “genade in aksie” en hulle bring genade in aksie deur verhouding te bou met mense sodat mense uiteindelik hulle self kan help. Rachel se reputasie as “nederige, diensbare, lojale planmaker” loop haar vooruit in die Booysens gemeenskap waar sy al die afgelope 16 jaar by Eleos se naskool werk. Sy het ‘n besonderse band met die jong Graad 1 en 2 kinders wie sy elke middag help met van huiswerk doen tot ‘n drukkie wat sommer alles beter maak. As daar net sprake is van ‘n moontlike verhoging vir Rachel, begin sy al klaar planne maak om ‘n sopkombuis te begin of iemand anders daarmee te kan help!

Rachel het na ‘n lang stryd van onsekerheid aan die begin van Oktober uitgevind sy het baarmoederkanker. Dis moeilik vir enige vrou om te hoor en te verwerk, maar soveel te meer as jy die ma van almal se kinders is en ook self twee seuns nog by jou in die huis het. Die een seun is 26 jaar oud en in ‘n rolstoel.

Rachel is Maandag, ‘n week te vroeg by Kalafong Hospitaal opgeneem en toe ons en ‘n paar van die vrywilligers van Eleos haar wou gaan verras, is sy ongelukkig weer onverwags geskuif. Ons was geraak deur hierdie groep vroue wat vir Rachel ‘n spesiale hospitaaltassie begin pak het met van beddegoed en ‘n stelletjie pajamas tot ‘n leesboek en joernaal om bietjie gedagtes te kan neerskryf terwyl sy aansterk in die hospitaal. Asof mens vir Rachel wat vir kinders soveel in hulle lewenstas pak, ook ‘n bietjie liefde en omgee wil inpak vir hierdie moeilike stukkie van haar reis... Saam met ons vriende van SPAR kon ons vanoggend ‘n bydrae maak vir Rachel se hospitaaltassie in die vorm van toiletware en ‘n R1000 SPAR geskenkkaart vir kruideniersware vir haar seuns by die huis. Ons bid vir jou ‘n spoedige herstel, Rachel, want die kinders van Pretoria-Wes verlang al klaar...
23
OCT

#JouMenseMyMense – 23 Oktober 2018 – “Our Home”

Vilna Badi stap al 13 jaar lank die strate van Sunnyside om een vrou op ‘n slag te red uit die kloue van human trafficking. Deur haar bediening, “Jesus4Real Ministries” het sy aanvanklik begin as ‘n evangelis wat uitreik na mense op straat met die eenvoudige begeerte om mense lief te hê soos Jesus het. Vandag deel sy haar lewe en ‘n huis met slagoffers en leef hierdie Mama V ‘n “jou mense is my mense” voorbeeld van innooi en nader bring soos Jesus sou. By “Our Home” verander mense se stories…
16
OCT

#JouMenseMyMense 16 Okt 2018

Elke week het Lindie die voorreg om saam met ons vriendin en kollega, Christine Henrico ons #JouMenseMyMense projek aan te pak... “Ek probeer die stories van mense met woorde vertel, maar Christine vertel boeke vol met haar prentjies. Sy het net ‘n manier om 'n oomblik vas te vang deur haar kamera se lens. Oomblikke wat eintlik maar net raakpunte van liefde is, want ons het hierdie projek geskep om liefde en omgee te gee juis as ons voel ons kan niks anders vir iemand doen of gee nie,” vertel Lindie. Dit gryp mens egter aan jou hart as jy hierdie slag met jou vriendin en kollega so 'n oomblik deel. Een waarvoor niemand regtig woorde het nie en sy ook nie 'n gepaste prentjie nie...
09
OCT

#JouMenseMyMense – Onderwyserdag saam met Deirdre

Ons het die afgelope week Internasionale Onderwyserdag gevier, maar moes wag tot die skole weer open om dit saam met ‘n baie spesiale onderwyseres te kan vier…
34 jarige Deidré wei haar lewe daaraan toe om kinders se kennis te verryk! Sy ‘n voltydse onderwyseres by Suiderbergskool, maar ook 'n voltydse Mamma van 'n energieke, "smarty-pants" ses-jarige seuntjie, Lehan….
MAAR - nege maande gelede is Deirdre met Multipel Sklerose (MS) gediagnoseer. MS is 'n outo-immune siekte wat die sentrale senuweestelsel aantas. Ongelukkig het hierdie siekte reeds letsels gelaat op haar brein en haar rugraat, met ‘n impak op die gebruik van haar regterhand en regterbeen asook ‘n kroniese migraine as gevolg van die senuwee agter haar regteroog.
Haar sussie, Lenica raak sommer kwaai as mense sê, maar "Deirdre lyk so gelukkig en of alles ok is.”
“Sy is NIE ok nie! Selfs net die kleinste takie verg geweldige inspanning. Sy voer daagliks ‘n stryd met vertigo en lighoofdigheid, vog op haar brein, gehoorverlies, lamheid in haar arms en bene veral aan die regterkant, intense moegheid, sy sukkel om te sluk en verstik as sy water drink, haar vel jeuk en haar visie blur, sy het kroniese koors en kroniese nek en rugpyn – haar laaste MRI scan het gewys dat 3 van haar nekwerwels gedisintigreer het. Maar, moet asseblief net nie vir haar jammer voel nie! Sy hou niks daarvan nie! Sy het wel almal se liefde en ondersteuning nodig.”
03
OCT

#JouMenseMyMense - 2 Oktober - Bejaardes, Borskanker

'n Dubbeldoor #JouMenseMyMense ter viering van #Bejaardedag en #Borskankermaand. Ons het by die Centurion Raad vir Bejaardes se Expo50 gaan inloer en Ouma Hettie langs die tennisbaan waar haar kleinseun aan ‘n tennistoernooi deelgeneem het, gaan verras met ‘n plantjie vir haar tuin en ‘n soetbederf soos sy gereeld vir behoeftige enkelmammas uitdeel – ‘n dankie vir haar volgehoue diensbaarheid ten spyte van haar eie stryd met borskanker.

105 episodes

« Back 1—12 More »