Subscribe to this channel

You can subscribe to new audio episodes published on this channel. You can follow updates using the channel's RSS feed, or via other audio platforms you may already be using.

RSS Feed

You can use any RSS feed reader to follow updates, even your browser. We recommend using an application dedicated to listening podcasts for the best experience. iOS users can look at Overcast or Castro. Pocket Casts is also very popular and has both iOS and Android versions. Add the above link to the application to follow this podcast channel.

Signup to iono.fm

Sign up for a free iono.fm user account to start building your playlist of podcast channels. You'll be able to build a personalised RSS feed you can follow or listen with our web player.
21
SEP

Praat Saam

Die Minister van Kommunikasie, Nomvula Mokonyane, sê die SAUK-raad het nie die regte prosesse gevolg in sy aankondiging oor planne om personeel af te lê nie, terwyl president Cyril Ramaphosa werkers by Cosatu die versekering gegee het dat daar geen planne is om sowat 30 000 staatsamtenare die trekpas te gee nie. Wat is die prosesse en prosedures wat in plek moet wees wanneer maatskappye werkers aflê?
20
SEP

Praat Saam

Senior bestuurslede van banke het voor die kommissie van ondersoek na staatskaping getuig dat indien hulle politieke inmenging sou toelaat, dit strydig sou wees met plaaslike en internasionale bankwetgewing. Wat moet die verhouding tussen die privaatsektor en politici wees?
19
SEP

Praat Saam

President Cyril Ramaphosa het diplomate in Pretoria verseker dat Suid-Afrika konsensus oor grondhervorming sal bereik om die ekonomie te verstewig. Die Parlement se hersieningskomitee oor grondonteiening sonder vergoeding het sy openbare sittings vroeër afgesluit nadat uiteenlopende menings oor die kwessie uitgespreek is. Ons bespreek die Parlement se rol in die grondonteieningsproses met proff. Erwin Schwella en Andre Duvenhage.
18
SEP

Praat Saam

Die Minister van Basiese Onderwys, Angie Motshekga, sê veiligheid by skole is 'n saak waarby al die belangegroepe, insluitend ouers, betrokke moet wees. Dit is na aanleiding van die sewentienjarige leerder wat 'n onderwyser by 'n skool in Noordwes doodgesteek het. Is onderwysers se veiligheid in die klaskamer in gedrang?
17
SEP

Praat Saam

Die regering sê Suid-Afrika is nie die enigste land wat `n resessie ondervind nie. Die Minister van Ekonomiese Ontwikkeling, Ebrahim Patel, sê die inkrimping van die ekonomie het nie alle sektore beïnvloed nie en behoort nie te lank te duur nie. Kan 'n beleid soos inklusiewe kapitalisme voordelig wees vir Suid-Afrika?
14
SEP

Praat Saam

Daar is kommer dat die voedselsoorte wat van BTW vrygestel is, nie baie voedingswaarde en genoeg proteïen bevat nie. Hoe kry ons balans tussen wat die voedselvervaardigingssektor verlang en wat verbruikers se las sal verlig?
13
SEP

Praat Saam

Die Instituut vir Sekerheidsstudies sê daar is 'n behoefte vir 'n holistiese benadering in die bekamping van misdaad. Kan 'n konsep soos herstellende geregtigheid tussen slagoffers en oortreders werk?
12
SEP

Praat Saam

Dit was gister 17 jaar sedert 'n reeks terreuraanvalle in die VSA gepleeg is. Wat was die impak van die gebeure van 11 September 2011 op die globale politieke omgewing en die Moslemgemeenskap?
11
SEP

Praat Saam

Die wapenmaatskappy, Rheinmetall Denel, sê hy sal voortgaan om intensiewe berading te bied aan die naasbestaandes van die slagoffers wat in verlede week se ontploffing op Somerset-Wes dood is. Agt werkers het tydens die voorval gesterf. Die DNS-resultate word vandeesweek verwag, waarna die slagoffers se name amptelik bekendgemaak sal word. Watter impak het so 'n tragedie op 'n gemeenskap?
10
SEP

Praat Saam

Watter rol speel Afrikaanse mense, en watter rol moet hulle speel, in die diskoers van die land?
07
SEP

Praat Saam

Prof Nico Koopman van die Universiteit van Stellenbosch skryf in 'n artikel, “Die rykdom van godsdienstige en sekulêre geloofstradisies is deel van die ryke erfenis wat ons in hierdie dae vier. Godsdienstige tradisies leer ons om God te eer deur die soeke na 'n lewe van menswaardigheid vir almal, en 'n lewe van vrede, vryheid en geregtigheid vir mens, dier en natuur. Vieringe, soos die viering van Erfenismaand, inspireer ons om soos ons dapper erflaters te soek na geregtigheid in die politiek en die ekonomie, in die ekologie en die burgerlike samelewing, in die klaskamer en die kerk.”
06
SEP

Praat Saam

Die statistikusgeneraal, Risenga Maluleke, sê sowat 60% van geboorteregistrasies bevat nie inligting oor die pa nie. Wat is die aanpassings en uitdagings om sonder 'n pa groot te word?

50 episodes

« Back 1—12 More »