Subscribe to this channel

You can subscribe to new audio episodes published on this channel. You can follow updates using the channel's RSS feed, or via other audio platforms you may already be using.

RSS Feed

You can use any RSS feed reader to follow updates, even your browser. We recommend using an application dedicated to listening podcasts for the best experience. iOS users can look at Overcast or Castro. Pocket Casts is also very popular and has both iOS and Android versions. Add the above link to the application to follow this podcast channel.

Spotify

This channel is available on Spotify. Follow the link above to view episodes on Spotify.

Signup to iono.fm

Sign up for a free iono.fm user account to start building your playlist of podcast channels. You'll be able to build a personalised RSS feed you can follow or listen with our web player.
03
AUG

Praat saam 3 Augustus 2021

Die vakbond, Nehawu, sê hy is teleurgesteld dat sommige vakbonde in die staatsdiens die salarisverhoging van 1,5% onderteken het. Nehawu sê met die uitbreek van die pandemie was hulle lede, veral gesondheidswerkers en polisiebeamptes, in die voorste linies en aan die gevaar blootgestel. Volgens Nehawu verdien hulle ‘n aansporingsbonus of vergoeding vir die gevaarlike omstandighede waaronder hulle werk. Kan die land enigsins hierdie verhogings bekostig?
02
AUG

Praat saam 2 Augustus 2021

Die Parlement se portefeuljekomitee oor polisie gaan ‘n ondersoek lei oor die onlangse geweld en plundery in KwaZulu-Natal en Gauteng. Wetstoepassingsagentskappe sal verslae aan parlementêre komitees in die Nasionale Vergadering en die Nasionale Raad van Provinsies oor die onrus voorlê om vas te stel waarom die agentskappe nie voorkomend opgetree het om die geweld te verhoed nie. Meer as 300 mense is dood en miljarde rand se skade is aangerig. Wat moet binne die sekuriteiteit- en intelligensiesektore verander om ‘n herhaling van die plundery, sommige noem dit ‘n insurgensie, in die toekoms te vermy?
30
JUL

Praat saam 30 Julie 2021.

Wêreld-veldwagtersdag word jaarliks wêreldwyd op 31 Julie gevier as ’n dag waarop die moed en vasberadenheid van veldwagters, wat hulle lewe waag om ons natuurlewe te beskerm, geëer en erken word. Hoe lyk die werk en wêreld van veldwagters en natuurbewaarders in Suid-Afrika?
29
JUL

Praat saam 29 Julie 2021

Die afgelope 18 maande probeer ons sin maak van ie Covid-19-pandemie en hoe dit ons lewe, werkswyse, geestelike gesondheidheid en ekonomie verander het. Verlede week het ons gepraat oor voorstelle van die Suid-Afrikaanse Raad van Kerke oor hoe ons as ‘n land die sosio-maatskaplike uitdagings kan aanpak. Nou praat ons oor die impak van die pandemie op ons regsprosesse.
28
JUL

Praat saam 28 Julie 2021

Vierentwintig mense is dood in die voortslepende taxigeweld in die Kaap. Die ontwrigting in pendelaars se lewe duur voort, en hulle word aangeraai om van ander dienste gebruik te maak. Intussen handhaaf wetstoepassers ‘n sterk teenwoordigheid op sekere taxiroetes. Die konflik tussen die strydende taxiverenigings, Cata en Codeta, het gelei tot die sluiting van die taxiroete tussen Belville en Paarl vir die volgende twee maande.  Ons praat oor die faktore wat bydra tot taxigeweld, en die impak wat dit op pendelaars het.
27
JUL

Praat saam 27 Julie 2021

Die EFF het pas sy agtste verjaardag gevier. Die party is in 2013 deur Julius Malema begin nadat hy uit die ANC geskors is. Hulle kon daarin slaag om sowat 10% steun in die nasionale en plaaslike verkiesings te kry. Watter bydrae maak die EFF tot die politieke diskoers in die land, en hoe lyk sy politieke bestaansreg vorentoe?
26
JUL

Praat saam 26 Julie 2021

Vroeër vanjaar het ons ‘n gesprek gehad oor senior regeringsamptenare wat nie gekwalifiseerd is vir hulle werk nie. Die Minister van Staatsdiens en Administrasie, Senzo Mchunu, het in 'n skriftelike antwoord op 'n parlementêre vraag deur die DA gesê dat 3,301 van die 9,477 senior bestuurders wat in die Persoonlike en Salarisstelsel (PERSAL) gelys is, nie die vereiste kwalifikasies het nie. Hiervan is 1,987 amptenare in nasionale departemente werksaam. Hoe kry jy balans tussen  tussen kwalifikasies, transformasie en prestasie?
23
JUL

Praat saam 23 Julie 2021

Die Suid Afrikaanse Raad van Kerke vra dat die polisie ‘n amnestietydperk van ‘n week lank aankondig vir mense wat winkels geplunder het. Hulle vra dat plunderaars wat gesteelde goedere dan terugneem, nie in hegtenis geneem word nie. Die hoofsekretaris van die SARK, Malusi Mpumlwana, moedig mense aan om infrastruktuur te beskerm. Mpumlwana sê die regering moet ‘n langtermynplan saamstel om maatskaplike kwessies te hanteer. Hy stel voor dat ‘n herstelfonds op die been gebring word. Wat moet geloofsleiers se rol wees in so ’n tyd van krisis?
22
JUL

Praat saam 22 Julie 2021

Hoe is jou gemoedstemming oor waar jy staan in verhouding tot die land en jou toekoms hier. Ons het die afgelope week en 'n half wydlopende gesprekke gehad oor wat in Kwazulu-Natal en Gauteng gebeur het, die frustrasies, die vrese, die ontnugtering, of dit ‘n opstand was, leierskap en diesmeer. Hoe wil jy Suid-Afrika beter maak? As leierskap ontbreek, wat stel jy voor moet ons volgende stappe wees?
21
JUL

Praat saam 21 Julie 2021

Een persoon is in Phoenix, noord van Durban, in hegtenis geneem in verband met die geweld in KwaZulu-Natal. Twintig mense, waaronder ‘n elfjarige seun van Inanda, is dood in die daaropvolgende chaos wat uitgebreek het. Die minister van polisie, Bheki Cele, sê ‘n span speurders ondersoek die sterftes. Het die protes, plunderye en geweld ‘n impak op rasseverhoudinge gehad?
20
JUL

Praat saam 20 Julie 2021

Die Dobsonville-winkelsentrum in Soweto is die naweek weer deur plunderaars geteiken. Die polisie en lede van die plaaslike taxivereniging het egter tussenbeide getree en hulle gekeer. Volgens berigte het die plunderaars ook toegeslaan op die Forte Hoërskool langs die sentrum. Wat is die alternatiewe benaderings tot protes?
19
JUL

Praat saam 19 Julie 2021

President Cyril Ramaphosa sê daar sal nie toegelaat word dat anargie in die land heers nie, en diegene wat Suid-Afrika wil laat ontspoor, sal nie daarin slaag nie. Ramaphosa was op besoek aan KwaZulu-Natal waar omvattende skade verlede week aangerig is aan infrastruktuur, eiendom en sakeondernemings. Hy sê die geweld en plundertogte is aangehits, beplan en gekoördineer deur groepe wat chaos in KwaZulu-Natal wou veroorsaak. Die onrus het ook na Gauteng oorgespoel. Ons bespreek die president se hantering van die gebeure.

2252 episodes

« Back 1—12 More »