Diskoers 2015

US Woordfees  |  Afrikaans  |  Podcast, ±50 min episodes every 4 hours
Kenners en kundiges takel weer 'n reeks netelige kopstukke oor Suid Afrika, taal, geloof, sosio-ekonomiese kwessies, geskiedenis en nog meer. iono.fm het weereens opnames gemaak vanuit die Boektent, Erfurthuis en vanjaar ook Die Khaya, en sal dit stelselmatig oor die volgende paar dae beskikbaar maak.
14
MAR
2015
Fassiliteerder: Andreas van Wyk Met Conrad Sidego, Jerome Slamat, Annemarie Ferns, Elsabé Retief, Porchia Adams en Servaas van den Berg Is daar eenheid tussen Stellenbossers na die verdelings van die verlede? Is verdeeldheid iets van die verlede? Eenheid tussen ons gemeenskappe: Hoe nou gemaak?
14
MAR
2015
Met Ton Vosloo Jannie Marais het 100 jaar gelede die stigting van Die Burger (en Naspers) moontlik gemaak deur die aankoop van ’n drukpers te borg. Die voormalige Victoria College (nou US) raadslid en Volksraadlid is egter dood voor die eerste koerant verskyn het. Met sy inkomste uit Kim- berley se diamantmyne het hy met Het Jan Marais Nationale Fonds duisende mense onder meer tersiêre onderwys laat ontvang en ’n filantropie begin wat vandag nog voortduur. En daar is steeds net een voorwaarde – dit moet Afrikaans ondersteun en bevorder.
14
MAR
2015
Post-apartheid cultural struggles at Die Burger Gabriël Botma was lid (en later redakteur) van Die Burger se kunsredaksie in die 90s en vroeë jare van die nuwe eeu. In hierdie tyd het die politieke omwenteling in die land ook in kunsjoernalistiek neerslag gevind - soms direk, soms via ekonomiese, sosiale en politieke gebeure. In hierdie boek bekyk hy hierdie proses, en die politieke subteks wat daarmee saam gegaan het.
13
MAR
2015
Kyk God rugby? Oor God en sport Gespreksleier: Johan van der Merwe Met Jacques Steenkamp, Dawie Snyman, Richard van Wyk 36 Met die vinger na bo gee die rugbyheld erkenning vir die pragdrie wat hy so pas gedruk het. Ons dank God vir die Bok-oorwinning, sê die afrigter. Maar intussen raak die skare veel meer opgewonde oor hul span se doen en late as wat hulle ooit oor God of die kerk is. Wat gaan hier aan? Het sport ’n afgod geraak? Wat verraai ons interpretasie van sport oor ons werklike siening van God en geloof?
12
MAR
2015
SPOOKSAAM Spooksaam: Filosofie en die WVK Gespreksleier: Johan Rossouw Met André du Toit en Pieter Duvenage Du Toit vertel oor sy loopbaan as politieke filosoof, met spesifieke verwysing na “Die kwessie van amnestie in die WVK-proses”.
12
MAR
2015
Hermann Giliomee in gesprek met Bill Nasson In gesprekke op Robbeneiland met Nelson Mandela het Neville Alexander mobilisering en begunstiging op rassegronde verwerp. Hy het die ANC gesien as basies ’n swart orga- nisasie, gelei deur ’n swart middelklas en Staliniste, wat die oorheersing van swart middel- klasbelange onder die vaandel van nie-rassigheid bepleit het. In sy later jare het hy sterk stelling ingeneem teen regstellende aksie op rassegronde (eerder as op klas), en teen die gebruik van Engels as voertaal vir kinders of studente wie se moedertaal nie Engels is nie
12
MAR
2015
Aangebied deur Moederkerk Gaan God skool toe? Oor die grondwetlikheid van godsdiens in skole Gespreksleier: Johan van der Merwe Met Paul Colditz, Henk Botha, Hans Pietersen In ’n hofsaak wat eersdaags in die hooggeregshof aangehoor word, neem die Organisasie vir Godsdiensonderrig en Demokrasie ses skole hof toe om die grondwetlikheid van hul gods- diensbeleid en -beoefening te toets. Wat mag en wat behoort die rol van godsdiens in ’n openbare skool te wees? Is die sekularisasie van ons samelewing ons voorland? En sal dit so ’n ramp wees as wat sommige gelowiges sê?
11
MAR
2015
Grondhervorming: Is die regering, boere en gemeenskappe opgewasse vir die taak? Die groot boere boer vooruit, nuwe boere sukkel om hond haaraf te maak en bestaansboerderye spring op waar daar vroeër op ’n kommersiële skaal sake gedoen is. Met hierdie uiterstes as vertrekpunt maak die regering gereed vir grondhervorming. Hoe gaan dit lyk – en hoe gaan dit werk?