Subscribe to this channel

You can subscribe to new audio episodes published on this channel. You can follow updates using the channel's RSS feed, or via other audio platforms you may already be using.

RSS Feed

You can use any RSS feed reader to follow updates, even your browser. We recommend using an application dedicated to listening podcasts for the best experience. iOS users can look at Overcast or Castro. Pocket Casts is also very popular and has both iOS and Android versions. Add the above link to the application to follow this podcast channel.

Signup to iono.fm

Sign up for a free iono.fm user account to start building your playlist of podcast channels. You'll be able to build a personalised RSS feed you can follow or listen with our web player.
24
OCT

RSG Landbou 25 Oktober 2021

Graan SA se Groei vir Goud-kompetisie het ‘n hele paar rekords opgelewer. Daar is soos altyd op ‘n Maandag veilingsnuus. Koos du Pisanie het by Dewald van den Berg van Petrusburg meer gaan uitvind oor turksvye as deel van ‘n veevoedingsprogram.
23
OCT

RSG Landbou 23 Oktober 2021

Die Covid-19-pandemie het daartoe bygedra dat aanlynhandel baie toegeneem het. Nile.ag Marketplace is ’n nuwe aanlynplatform wat die handel in vars produkte oor grense heen vergemaklik. Dit bied aan handelaars die geleentheid om hulle vars produkte aan kommersiële kopers dwarsoor Suid-Afrika en die res van Afrika te verkoop. Louis de Kock het die platform saam met Eugene Roodt en Rick Kleinhans op die been gebring. De Kock het op ’n groenteplaas by Barkly-Wes in die Noord-Kaap grootgeword, en was voorheen die kategoriebestuurder van vars produkte by Amazon in Amerika. Hy sluit by ons aan.
21
OCT

RSG Landbou 22 Oktober 2021

Kleinveeboere moet seker maak hulle ent hulle diere korrek in teen slenkdalkoors om die doeltreffendheid van die entstof te verseker, sê dr. Didi Claassen van AfriVet. Sy sê dit is onnodig om voor ’n uitbreking slegs een naald per inenting per skaap te gebruik, maar dat dit beslis geld as daar ’n uitbreking in die omgewing is. Plaaslike Wagyu-boere het die afgelope jaar baie sukses behaal. Johan de Vos, die voorsitter van WagyuSA, sluit by ons aan.
20
OCT

RSG Landbou 21 Oktober 2021

Die wêreld se top 100 wingerde is onlangs aangewys, en die bekende Steenberg wynlandgoed en twee ander Constantia wynplase het dié lys gehaal. ‘n Bekende in die wynbedryf, dr. Winnie Bowman, gesels oor dié kompetisie. Elunda Basson van Steenberg praat oor hulle prestasie. Frans de Klerk praat oor die verwikkelinge met die sojaboonprys. Johan van den Berg het nuus oor die weer. Chris Derksen het nuus oor die jongste vleispryse.
19
OCT

RSG Landbou 20 Oktober 2021

Sauvignon Blanc Suid-Afrika het onlangs hulle top 10 wyne vir 2021 aangewys. RSG Landbou was daar. Brad O’Neill, ‘n suikerboer van Richmond in KwaZulu-Natal, is as Kwanalu se Jongboer van die Jaar gekroon. Ons vind meer uit oor sy boerdery.
18
OCT

RSG Landbou 19 Oktober 2021

Prof. Hettie Schönfeldt van die Universiteit van Pretoria en dr. Erhard Briedenhann van die Proteïennavorsingstigting praat oor sojabone vir menslike gebruik. Heinrich Victor het nuus oor wolpryse. In ons maandelikse kuilvoergesprek, fokus Richardt Venter van Agsci Unlimited op gebaalde kuilvoer. Prof. Jacquie van der Waals van die Universiteit van Pretoria gesels oor haar meer as 20 jaar se navorsing op aartappels.
17
OCT

RSG Landbou 18 Oktober 2021

Wat is die voor- en nadele van hidroponiese groenvoer? Daar is nuus oor veilings wat hierdie week plaasvind. Ons hoor by Willem de Klerk van die Potgietersrus-omgewing waarom hulle met Moringa boer, en wat dié plant so voordelig vir mens en dier maak.
16
OCT

RSG Landbou 16 Oktober 2021

Westley Ferguson is ‘n landbou-ekonoom by AgriSA Enterprises, ‘n filiaal van AgriSA. Laasgenoemde fokus op beleid. AgriSA Enterprises se taak is om die kommersiële landbougeleenthede as konsultasiemaatskappy te ondersteun. Ferguson verduidelik waarom dit juis landbou is wat sentraal staan tot die sukselsvolle aanbieding van groot sportbyeenkomste, soos die Olimpiese Spele.
14
OCT

RSG Landbou 15 Oktober 2021

Die gebruik van digitale landbou, robotte, nuwe onkruiddoders, biologiese bekamping en klimaatrisikobestuur sal saam ’n belangrike rol in toekomstige onkruidbestryding speel. Die beperkinge wat onkruid op die produksie van voedsel plaas, is een van die grootste risiko’s in die afsienbare toekoms. Dr. Albert Strever werk vir die Fakulteit Landbouwetenskappe by die US Landbou-informatika, en innovasie-platforms word ook deur hom bestuur. Hy brei uit oor navorsing wat tans gedoen word oor robotte in landbou.
13
OCT

RSG Landbou 14 Oktober 2021

Wildbedryf Suid-Afrika het die afgelope naweek ‘n minikonferensie en nasionale veiling aangebied. Ons gesels met Gerhard Reyneke, president van dié organisasie. Dr. Herman Els verduidelik waarvoor die Sustainable Use Coalition of Southern Africa hulle beywer. Andrew Masterson vertel van die Milagro-veiling by Oesterbaai. Daar is oudergwoonte nuus oor die weer en vleispryse.
12
OCT

RSG Landbou 13 Oktober 2021

Die Hoëveld Veilingsentrum net buite Standerton bied waardevolle dienste aan telersgenootskappe en nasionale produksieveilings. Frik Verster, ‘n bekende in dié bedryf, gesels hieroor. Theo Boshoff van Agbiz verduidelik ons waarop die nasionale infrastruktuurplan vir 2050 fokus. Dr. Louis du Pisani gee raad oor bosverdigting en -indringing.
11
OCT

RSG Landbou 12 Oktober 2021

Daar is tans 600 weerstasies in Suid-Afrika. Chris Kaempffer van die Landbounavorsingsraad praat oor die waarde van die data wat hierdie stasies aan die landbousektor bied. Heinrich Victor sluit weer by ons aan met nuus oor wolpryse. Dr. Willem Jansen van Rensburg van die Landbounavorsingsraad gesels oor inheemse, of tradisionele, groente wat in Suid-Afrika verbou word.

2106 episodes

« Back 1—12 More »