Subscribe to this channel

You can subscribe to new audio episodes published on this channel. You can follow updates using the channel's RSS feed, or via other audio platforms you may already be using.

RSS Feed

You can use any RSS feed reader to follow updates, even your browser. We recommend using an application dedicated to listening podcasts for the best experience. iOS users can look at Overcast or Castro. Pocket Casts is also very popular and has both iOS and Android versions. Add the above link to the application to follow this podcast channel.

Signup to iono.fm

Sign up for a free iono.fm user account to start building your playlist of podcast channels. You'll be able to build a personalised RSS feed you can follow or listen with our web player.
19
MAY

RSG Landbou

Dit is belangrik dat boere 'n billike verblyfooreenkoms vir plaasarbeiders in plek moet hê. Clarissa Pienaar gesels oor die fynere detail van so 'n ooreenkoms. Daar is nuus oor 'n paar veilings wat in die volgende dae en weke plaasvind. En Lise Roberts met dr. Hennie Groenewald oor 'n biotegnologie-simposium wat in Maart plaasgevind het.
17
MAY

RSG Landbou

Lehman Lindeque is 'n bestuurder by 'n VN-ontwikkelingsprojek oor volhoubare grondbestuur. En Francois Koegelenberg werk by die Geografiese Inligtingstelsel-afdeling by die Wes-Kaapse Departement van Landbou. Hulle was in 2018 deel van 'n span wat gaan kyk het na grondagteruitgang in Madagaskar, en hoe om mense in die land te help met oplossings om woestynvorming teen te werk.
16
MAY

RSG Landbou

Ons kuier by kundiges en kleinboere in Oudtshoorn en maak 'n draai by 'n navorsingsplaas, waar ons hoor hoe daar koppe bymekaar gesit word om vooruit te boer met volstruise.
15
MAY

RSG Landbou

Lise Roberts gesels met dr. Hannes Viljoen van ANH oor die spysverteringstelsel van pluimvee en die rol van antibiotika, en hoe probiotika hier kan bydra. Hennie Maas gesels met Johan Mouton oor winterlekke vir vee, en hy gee 'n paar wenke oor die bestuur en toediening van hierdie aanvullings op die plaas.
14
MAY

RSG Landbou

Die Melkprodusente-organisasie het 'n nuwe ekonoom aangestel. Bertus van Heerden vertel hoe die ekonomiese afdeling van die MPO funksioneer, en hoe belangrik die beskikbaarheid van markinligting is. Hy gesels ook oor melkprystendense, veral in die lig van die feit dat die melkprys in Maart effe kop opgetel het. Dissiplinêre verhore is 'n belangrike aspek van die verhouding tussen werkgewer en werknemer. Christo Bester van die LWO Werkgewersorganisasie verduidelik aan Lise Roberts wat so 'n verhoor behels. En Ben Churr van Goscor brei uit oor hanteringstoerusting, en hoe dit in die landbou aangewend kan word.
13
MAY

RSG Landbou

Volgens 'n opname wat deur Agri SA gedoen is, het landbounavorsing wegbeweeg van die regering na die privaatsektor en opvoedkundige instellings. Daar is ook 'n gesprek met Barco van Niekerk, 2018 se Toyota SA Jong Afslaerskampioen. Die appel- en peerbedryf bied uitdagings en vrugteboere moet bewus wees van die stand van internasionale markte, sê Jaques du Preez van Hortgro.
12
MAY

RSG Landbou

Die stompneuskewer is nie 'n boorling van Suid-Afrika nie. Lise Roberts praat met Jan-Hendrik Venter van die Departement Landbou, Bosbou en Vissery oor die pes wat tot redelik onlangs nie hier was nie. Daar is ook 'n gesprek met dr. Danie Odendaal van Veearts Netwerk oor 'n plan vir beter produksie by verse. En Yolandi van der Merwe van Agri SA vertel van 'n flitsblik op landbou, wat deur Agri SA saamgestel is.
10
MAY

RSG Landbou

Die Sentinel2-satelliet is deel van die Europese Ruimte-agentskap se Copernicus-program. Dr. Mike Wallace is die spesialiswetenskaplike en spanleier van die Geografiese Inligtingstelsel-afdeling by die Wes-Kaapse Departement van Landbou. Hy verduidelik hoe hierdie satelliet boere van gratis inligting voorsien, wat groot voordele inhou.
09
MAY

RSG Landbou

Spesialis-wetenskapilike Sigrun Amman, wat gemoeid is met die ontwikkeling van verbeterde weidingstelsels vir meelkbeeste, vertel van nuwe tegnologiese ontwikkelings wat onlangs in Suid-Afrika in hierdie veld gemaak is.
08
MAY

RSG Landbou

Al ooit gehoor van 'n rooibostee en vodka kombinasie? Dawie Watts vertel vir Lise Roberts waarom hierdie kombinasie so goed werk. Gewone tafelsout is 'n algemene gebruiksartikel in die huis, maar daar is ander soorte sout ook beskikbaar. Lizel Maree gesels hieroor. En Agri SA het 'n memorandum van verstandhouding onderteken met die Suid-Afrikaanse Vereniging van Waterverbruiksverenigings oor die doeltreffende benutting van waterhulpbronne.
07
MAY

RSG Landbou

Lise Roberts gesels met 'n paar entrepreneurs wat unieke bydraes maak in die landbou. Een van hulle is Elsabe Visser wat vertel hoe droëvrugte gemaak word. Daar is ook 'n gesprek oor hoe gemmer, knoffel en suurlemoen met groot welslae gebruik kan word. Lise gesels ook met Abraham Burger oor 'n groot boerbokveiling wat binnekort plaasvind.
06
MAY

RSG Landbou

Lise Roberts praat met Robert Post oor die belangrikheid van bye vir plante en die landbou. Daar is 'n gesprek oor besproeiingstegnologie met Frederik Nel van Lindsay Africa. Hennie Maas praat met dr. Dave Midgley, 'n skaapveearts, oor die oorgangseisoen tussen somer en winter, en dinge waarna skaapboere moet oplet.

1342 episodes

« Back 1—12 More »