Subscribe to this channel

You can subscribe to new audio episodes published on this channel. You can follow updates using the channel's RSS feed, or via other audio platforms you may already be using.

RSS Feed

You can use any RSS feed reader to follow updates, even your browser. We recommend using an application dedicated to listening podcasts for the best experience. iOS users can look at Overcast or Castro. Pocket Casts is also very popular and has both iOS and Android versions. Add the above link to the application to follow this podcast channel.

Signup to iono.fm

Sign up for a free iono.fm user account to start building your playlist of podcast channels. You'll be able to build a personalised RSS feed you can follow or listen with our web player.
14
OCT

RSG Landbou 15 Oktober 2021

Die gebruik van digitale landbou, robotte, nuwe onkruiddoders, biologiese bekamping en klimaatrisikobestuur sal saam ’n belangrike rol in toekomstige onkruidbestryding speel. Die beperkinge wat onkruid op die produksie van voedsel plaas, is een van die grootste risiko’s in die afsienbare toekoms. Dr. Albert Strever werk vir die Fakulteit Landbouwetenskappe by die US Landbou-informatika, en innovasie-platforms word ook deur hom bestuur. Hy brei uit oor navorsing wat tans gedoen word oor robotte in landbou.
13
OCT

RSG Landbou 14 Oktober 2021

Wildbedryf Suid-Afrika het die afgelope naweek ‘n minikonferensie en nasionale veiling aangebied. Ons gesels met Gerhard Reyneke, president van dié organisasie. Dr. Herman Els verduidelik waarvoor die Sustainable Use Coalition of Southern Africa hulle beywer. Andrew Masterson vertel van die Milagro-veiling by Oesterbaai. Daar is oudergwoonte nuus oor die weer en vleispryse.
12
OCT

RSG Landbou 13 Oktober 2021

Die Hoëveld Veilingsentrum net buite Standerton bied waardevolle dienste aan telersgenootskappe en nasionale produksieveilings. Frik Verster, ‘n bekende in dié bedryf, gesels hieroor. Theo Boshoff van Agbiz verduidelik ons waarop die nasionale infrastruktuurplan vir 2050 fokus. Dr. Louis du Pisani gee raad oor bosverdigting en -indringing.
11
OCT

RSG Landbou 12 Oktober 2021

Daar is tans 600 weerstasies in Suid-Afrika. Chris Kaempffer van die Landbounavorsingsraad praat oor die waarde van die data wat hierdie stasies aan die landbousektor bied. Heinrich Victor sluit weer by ons aan met nuus oor wolpryse. Dr. Willem Jansen van Rensburg van die Landbounavorsingsraad gesels oor inheemse, of tradisionele, groente wat in Suid-Afrika verbou word.
10
OCT

RSG Landbou 11 Oktober 2021

Barnie de Klerk van TWK en Agbiz Grain praat oor die vooruitsigte vir die graan- en oliesademark. Daar is heelwat nuus oor veilings. Plaas Media se Koos du Pisanie het ‘n boerbokkursus bygewoon. Kursusgangers het van heinde en verre bymekaar gekom, en ons hoor hoe hulle dit ervaar het.
09
OCT

RSG Landbou 9 Oktober 2021

Laerskool Jongensklip in die Overberg het afgesien van vele uitdagings, sy deure jare gelede geopen, en oop gehou. Vandag gee dit honderde kinders in die omgewing kans om onderrig te ontvang op ‘n plek waar passievolle onderwysers leef om die gemeenskap te dien. Elbie Fourie boer saam met haar man in die omgewing, en vertel waarom sy betrokke bly by hierdie skool waar haar man en kinders ook destyds leerders was.
07
OCT

RSG Landbou 8 Oktober 2021

Wêreld Voedseldag word binnekort gevier, en te midde van die koronaviruspandemie val die fokus vanjaar opnuut op voedselsekerheid en die belangrike rol wat kosproduseerders, soos die landbou, speel. Met meer as 150 lande wat op 16 Oktober 2021 aan die viering gaan deelneem, verteenwoordig dié gebeurlikheid een van die bes ondersteunde inisiatiewe op die Verenigde Nasies se jaarkalender. Jerry Arries is Waarnemende Hoofdirekteur Ondersteuning en Ontwikkeling van landbouers by die Wes-Kaapse Departement van Landbou. Hy verduidelik wat die departement vir vanjaar se Wêreld Voedseldag beplan. ‘n Gemeenskapsinisatief wat onlangs deur slakboere in Mpumalanga begin is, word bekyk. Prof. Stephanie Midgeley van die departement Hortologie aan die US dien tans ook as navorser en wetenskaplike vir klimaatsverandering en risikobestuur by die Wes-Kaapse Departement van Landbou. Toekomsrisiko’s wat droogtes insluit, val onder die soeklig.
06
OCT

RSG Landbou 7 Oktober 2021

Alhoewel die mark vir makadamianeute relatief klein is in vergelyking met ander neute, word Suid-Afrika tans gesien as die wêreldleier wat produksie betref. RSG Landbou kuier by Marquis Macadamias in Mpumalanga. Ons gesels oor die produksie en verwerking van dié gesogte neut. Johan van den Berg gesels weersake, en Chris Derksen vertel wat met vleispryse gebeur.
05
OCT

RSG Landbou 6 Oktober 2021

Aartappels SA het die afgelope paar weke ‘n reeks inligtingsdae vir produsente aangebied. Ons medewerker in die Oos-Kaap, Carin Venter, het op Patensie met twee produsente, Pieter Ferreira en DC Schellingerhout, oor dié bedryf gesels. Ons hoor ook van Ben Raath van Donkerhoek Tuli’s by Britstown. Hy het vanjaar die Tuli-kudde van die jaar-toekenning ontvang.
04
OCT

RSG Landbou 5 Oktober 2021

Spesialisveearts dr. Chris van Dijk praat oor die waarde van ‘n goeie kuddegesondheidsplan. Heinrich Victor vertel wat met wolpryse gebeur het by die jongste veiling. Ons kuier in die Douglas-omgewing by Gerhard Bruwer. Hy is onlangs aangewys as Agri Noord-Kaap se Jongboer van die Jaar.
03
OCT

RSG Landbou 4 Oktober 2021

Bosluisweerstandigheid is onder bespreking, met die reën en gepaardgaande hitte wat die probleem kan vererger. Dr. Louis Boag van Elanco Dieregesondheid herinner veeprodusente waarop daar gelet moet word. AFMA bied eersdaags hulle simposium aan, en De Wet Boshoff verskaf meer inligting. Ons vind meer uit van ‘n groentetuinprojek in die Paarl waarby 30 gesinne sal baat.
02
OCT

RSG Landbou 2 Oktober 2021

Navorsing wat Afrika se stapelvoedselsoorte voedsamer en verdraagsamer teen klimaatsverandering maak, het die afgelope dekades gevorder danksy samewerking tussen die Universiteit van die Vrystaat en navorsers oor die vasteland heen. Dit het nie net gelei tot nuwe kultivars nie, maar lewer ook ‘n betekenisvolle bydrae om toestande soos blindheid weens ’n tekort aan vitamien A te help voorkom. Prof. Maryke Labuschagne, hoof van die Nasionale Navorsingstigting se Suid-Afrikaanse leerstoelinisiatief vir siekteweerstand en gehalte in akkerbougewasse aan die Universiteit van die Vrystaat, werk tans saam met meer as 20 PhD-studente en postdoktorale genote elders in Afrika.

2098 episodes

« Back 1—12 More »