Gesondheid

RSG  |  Podcast , ±24 min episodes every 1 week  | 
Wat is ALS, die siekte waaraan Joost van der Westhuizen ly? Is dit al soort motorneuron-siekte, of is daar ander? Hoe begin dit en hoe versprei dit na ander senuselle? Het rugbyspelers ‘n groter kans om dit te kry? Kan stamselbehandeling help? ‘n Motorneuronsiektes-spesialis verduidelik meer oor motorneuronsiektes.

Subscribe to this channel

You can subscribe to new audio episodes published on this channel. You can follow updates using the channel's RSS feed, or via other audio platforms you may already be using.

RSS Feed

You can use any RSS feed reader to follow updates, even your browser. We recommend using an application dedicated to listening podcasts for the best experience. iOS users can look at Overcast or Castro. Pocket Casts is also very popular and has both iOS and Android versions. Add the above link to the application to follow this podcast channel.

Signup to iono.fm

Sign up for a free iono.fm user account to start building your playlist of podcast channels. You'll be able to build a personalised RSS feed you can follow or listen with our web player.
05
AUG

Gesondheid

Waar staan ons met Covid in Suid-Afrika? In watter provinsies het dit reeds die kruin bereik, en hoe weet ons dit? Het die inperkings die kruine in die provinsies verlaag? Wat kan Suid-Afrika verwag met 'n tweede golf? Steur die regering hulle enigsins aan die meer akkurate voorspellings deur PANDA? Marí Hudson praat met een van die lede van PANDA oor die voorspellings en modelle. PANDA (Pandemic Data & Analysis) is 'n groep aktuarisse, ingenieurs, dokters en ander beroepsmense wat hulle kundigheid saamvoeg.
29
JUL

Gesondheid

Wat is die verskil tussen virustoetse en teenliggaamtoetse vir Covid-19? Wat gaan aan met die staat se getalm met goedkeuring van teenliggaamtoetse wat in 'n laboratorium gedoen word? En waarom wil die staat sekere inligting nie bekend maak nie? Is hier 'n teenliggaam-slang in die gras? Marí Hudson het navorsing gedoen, en belig die kwessie van alle kante.
22
JUL

Gesondheid

Die nuwe Coronavirus is 'n geslepe derduiwel. Hy kan mense op verskillende maniere siek maak, en buiten die longe, bloedstolling en die senustelsel, verkeie ander organe en stelsels aantas. Dis veral die virus se uitwerking op die pankreas, tiroïed en hipofise wat dokters laat dink, en moontlik verklaar waarom mense wat oorgewig is en diabetes het, makliker ernstig siek word. Marí Hudson praat met prof. Tess van der Merwe, 'n endokrinoloog, oor die uitwerking van Covid op die organe, en hoe dit plaasvind.
15
JUL

Gesondheid

Italië het 'n neuro-COVID-eenheid om aandag te gee aan die langtermyn gevolge van Covid-19 op die brein en die senustelsel. Die verlies aan reuk en smaak is weens die virus se regstreekse uitwerking op die senustelsel. Marí Hudson praat met dr. Eugene Allers, 'n psigiater, oor die impak van Covid op die brein en senustelsel, en die lang 'stert' van Covid.
08
JUL

Gesondheid

Die voorspellingsmodelle vir COVID-sterftes in Suid-Afrika en die wêreld het die sterftes geheel en al oorskat. Waarom? 'n Groep aktuarisse, ingenieurs, dokters en ander beroepsmense wat hulle kundigheid saamvoeg in PANDA (Pandemic Data & Analysis), baseer hulle voorspellings, wat uitsonderlik in die kol is, op 'n spesifieke S-kurwe. Marí Hudson gesels met een van die lede van PANDA, wat verduidelik hoe die voorspellingsmodel werk, hoe COVID verder in Suid-Afrika sal verloop en waarom hulle voorspel dat die sterftesyfer op sowat 11 000 sal draai en nie by 320 000 of selfs by 80 000 of 44 000 nie.
01
JUL

Gesondheid

Covid-19 is besig om op vier vlakke psigies sy tol te eis: Die vrees vir die virussiekte, die uitwerking van die inperking, ingehoktheid en isolasie, die bekommernis oor jou werk en toekoms en die regstreekse uitwerking van die virus op die brein. Depressie, aggressie en selfs selfmoord kan nie geïgnoreer word nie. Marí Hudson praat met dr. Eugene Allers, 'n psigiater, oor die impak van die Covid-situasie op die psige.
24
JUN

Gesondheid

Covid-19 is steeds besig om ons daaglikse gang en lewe te oorheers. Ons moet onthou dat meer as 90% van mense met Covid-19 asimptomaties is of net ligte of matige simptome het. Die siektebeeld is nie heeltemal dieselfde by alle pasiënte nie en ook nie by alle pasiënte wat sieker word nie, en dis juis die onvoorspelbaarheid van die wending van die siekte wat angstigheid veroorsaak. Marí Hudson praat met prof. Vernon Louw, hoof van kliniese hematologie by die Universiteit van Kaapstad en die Groote Schuur Hospitaal, oor die jongste insigte.
17
JUN

Gesondheid

Hoe belangrik, akkuraat en betroubaar is COVID-19-toetse? Hoe toets mens vir COVID-19? Wat kan uit positiewe en negatiewe uitslae afgelei word? Is dit die alfa en omega van voorkoming en behandeling? Marí Hudson gesels met 'n virologiese patoloog om antwoorde op hierdie vrae te vind.
10
JUN

Gesondheid

Twee dokters op Stellenbosch se benadering met Covid-pasiënte konsentreer op vroeë behandeling met gewone en plaatjiegerigte antistolmiddels, asook 'n spesifieke middel om bestaande stolsels op te los. Die sukses van die benadering kan nie geïgnoreer word nie, al is dit nog net op 22 pasiënte toegepas. Bring die benadering nuwe hoop? Waar pas stolling in die COVID-siektebeeld in? Marí Hudson probeer om antwoorde op vrae te vind oor die werking van die virus, en die jongste behandelingstrategieë.
03
JUN

Gesondheid

Meer as vyf maande gelede het COVID-19 in Wuhan in China uitgebreek, en sedertdien na alle wêrelddele versprei. Weet medici nou meer as vyf maande gelede? Is daar aanvanklike waarnemings wat nou as foutief deurskemer? Is daar groter duidelikheid oor die behandeling? Hoe hanteer dokters in die voorste linie die pasiënte, en kan hulle voorspel watter pasiënte sal herstel en wie nie? Marí Hudson praat met dr. Jantjie Taljaard, 'n infeksiespesialis by die Universiteit Stellenbosch se mediese skool en die Tygerberg Hospitaal, oor die lesse wat geleer is.
27
MAY

Gesondheid

Hoe veilig is dit om jou kind terug te stuur skool toe? 'n Kinderlong-spesialis het die antwoord, Word kinders baie siek van Covid? Is hulle die draers van die virus wat almal sal aansteek? Wat van kinders met asma, of kinders met ander siekteprobleme? Hoe groot is die kans werklik dat kinders ernstig siek kan word van Covid?
20
MAY

Gesondheid

Hoe veilig is dit vir dokters en nie-COVID-pasiënte in hospitale? Is dit veilig vir chirurge om met nie-N95-maskers te opereer? Hoe lank word waglyste vir operasies omdat so baie operasies buiten noodgevalle feitlik stilstaan, terwyl sommige hospitale byna leeg staan? Is die klem op COVID-19 oordrewe? Wat van alle ander siektes buiten COVID-19? Het ons al meer inligting om beter voorspellings te maak? Marí Hudson probeer antwoorde op die vrae vind. Sy gesels met die verteenwoordiger van dokters in Suid-Afrika en met die verteenwoordiger van alle chirurge in die land.

319 episodes

« Back 1—12 More »