Hoe verklaar jy dit?
RSG | Afrikaans Podcast, ±26 min episodes every 1 week
Wetenswaardighede oor die natuur en wetenskap
Play 26 min
Download 19 May 2013
Waaruit bestaan kameelperde se horings en hoekom is daar klossies hare aan sommige se horings? Wat sou die oorsaak wees van ‘n kring om die son en twee ronde kolle weerskante daarvan, wat ‘n luisteraar in Thailand waargeneem het? En wat is die verband tussen tyd en ruimte?
12 May 2013
Hoekom word die aarde nie groter as die vastelande uitmekaar beweeg nie? Hoe ver beweeg ons per dag deur die ruimte as die aarde om sy eie as beweeg? En op grond waarvan is die Suid-Afrikaanse geoloog, Alexander du Toit, vroeg in die vorige eeu internasionaal vereer?
5 May 2013
Hoekom is daar ‘n afname in die voëlbevolking in stedelike gebiede? Wat veroorsaak die kleurverskil tussen nat en droë grond? En wat is die verskil tussen weerverskynsels soos tropiese siklone, tifone, tornado’s en orkane?
21 Apr 2013
Hoekom dolwe olyflysters potplante se grond so om? As die mens die meeste van sy hare deur evolusie verloor het, wat is dan die funksie van die oorblywende hare? En is dit normaal om seemeeue kilometers van die see aan te tref?
14 Apr 2013
Watter skilpadspesie in Suid-Afrika is die kleinste? Hoe sal die kleintjies van ‘n Albino-ystervark en ‘n gewone ystervark lyk? En LED-ligte is daarvoor bekend dit baie min krag gebruik. Hoekom word dit dan nie meer algemeen in Suid-Afrika gebruik nie?
7 Apr 2013
Is dit waar dat kamele die enigste soogdiere is waarvan die rooibloedselle oor selkerne beskik? Hoe veilig is Suid-Afrika se waterbronne vir stappers? En wat is die verskil tussen die weerverskynsels El Niño en La Niña?
31 Mar 2013
Wat veroorsaak stroke seewater van verskillende kleure, wat klaarblyklik nie meng nie? Is die pas afgelope warm, droë somer in die suidweste van Namibië die gevolg van El Niño? En is die Amerikaanse vlag wat in 1969 op die maan geplant is steeds daar?
24 Mar 2013
As dit waar is dat die mens eeue gelede ‘n harige pels gehad het, hoekom het hy dit verloor? Watter gevare hou die voer van wilde diere, waaronder ‘n dassie-kolonie op Mosselbaai, vir mens en dier in? En wat vreet ‘n baba-bidsprinkaan?
17 Mar 2013
Hoekom het olifante vandag so min hare, terwyl mammoete se lywe met hare bedek was? Het nuwe navorsing oor miere intussen nuwe lig gewerp op Eugéne Marais se bevindings in sy veel geroemde Die siel van die mier. En waaruit bestaan die dieet van berg-gorillas?
10 Mar 2013
As die afstand tussen die aarde en die son die hele dag dieselfde is, hoekom word dit dan koeler teen sononder? Hoe oorleef verkleurmannetjies in uiterste koue op plekke soos Sutherland? En watter bestanddeel in aspersies veroorsaak die kenmerkende skerp reuk in urine?
3 Mar 2013
Hoekom verander die toonhoogte van die geluid wat ‘n metaallepel maak wanneer jy suiker in ‘n glashouer met warm water inroer? Kan ‘n skilpad vanself weer op sy voete kom as hy op sy dop beland het? Dit gebeur gereeld dat wolkmassas uit Botswana oor die Noord-Kaap inbeweeg, maar dan swaai dit Ooswaarts weg sonder om te reën. Hoekom?
24 Feb 2013
Hoe ontstaan fossielbrandstof? En is daar werklik olie in Suid-Afrika of slegs aardgas? Waar kom al die mites oor veral roofvoëls vandaan? En hoekom verskil die klimaat tussen ‘n dorp aan die Suid-Afrikaanse weskus so drasties van ‘n dorp aan die ooskus, hoewel albei op dieselfde breedtegraad lê?
17 Feb 2013
Kan ‘n vlieg in bevrore vleis in ‘n vrieskas oorleef? Indien wel, is daar ook ander insekte wat temperatuur-uiterstes kan weerstaan? En is dit waar dat ‘n reuse area in die Stille Oseaan met plastiek besoedel is?
10 Feb 2013
Hoekom steek eekhorings en andere diere kos weg? Wat is die verskil tussen periferale en sentrale visie en watter rol speel die brein in die skep van ‘n geheelbeeld?
3 Feb 2013
Watter wet bepaal dat lewende wesens aan mekaar verwant is en moet sterf? Hoe word steenkool gevorm? En watter deel van ‘n motor se wiel beweeg die vinnigste: die buitenste rand of die middelste deel?
27 Jan 2013
Wat is die verskil tussen ‘n swemmersoor en ‘n branderryersoor? Hoe groot is die verskil in afstand tussen ‘n kloksgewyse rit en ‘n anti-kloksgewyse rit om die kus van Australië? En hoekom vind ‘n mens op verskillende plekke in die wêreld, konsentrasies van verskillende elemente, soos goud in Suid-Afrka, yster in Australië en koper in Chili?
20 Jan 2013
Hoekom is sneeuvlokkies wit? Hoe het die klipharde dorbank in die omgewing van Van Rynsdorp, Vredendal en dele van die Klein Karoo tot stand gekom? En wat veroorsaak dat sommige diere se horings misvorm raak?
13 Jan 2013
Kan die bo-lug by die ewenaar werklik kouer wees as by die pole? Hoe is die koeëlronde klippe wat in dele van Boesmanland voorkom, gevorm? En waar kom al die sand op die Kaapse vlakte vandaan?
6 Jan 2013
Wat is die verband tussen die vorm van ‘n eierdop en die antieke Romeinse boë? Kan ‘n mens evolusie beskryf as blote verandering met verloop van tyd? En hoekom is aardkorsplate se samestelling nie homogeen nie?
30 Dec 2012
Watter deel van jou braaivleisvuur bly as as agter en wat word van die res van die hout? Waar kom rotse en grond vandaan? En wat veroorsaak die knal wanneer ‘n vliegtuig deur die klankgrens bars?