Hoe verklaar jy dit?

RSG  |  Afrikaans  |  Podcast, ±26 min episodes every 6 days
Wetenswaardighede oor die natuur en wetenskap
19
MAR
Het die heelal 'n uiteinde, en wat sal 'n mens sien as jy daar sou uitkom? Hoe ver kan die kommandowurm-mot vlieg om die plaag so vinnig uit Suid-Afrika se noordelike buurlande oor Noordwes en Limpopo te laat versprei? Watter soort geitjie lê haar eiers in 'n gat in 'n metaalhek, en hoekom is daar so baie eiers dat sommige selfs uitval?
12
MAR
As daar geen slange in Nieu-Seeland is nie, is giftige slange dan hoegenaamd nodig in 'n ekostelsel? Hoekom word daar sedert 1972 gereeld 'n skrikkelsekonde by die wêreld se tydhouding gevoeg? En hoekom bloei daar slegs gom uit een doringboom in 'n groep doringbome?
26
FEB
Wat veroorsaak die lig van die Noorder- en Suiderligte? Wat het van Mars se atmosfeer geword? Hoekom is boorgatwater skoon en nie modderig nie? En hoekom verswak 'n vlak boorgat se waterlewering na 'n hewige donderstorm?
19
FEB
Watter proses word gevolg om vegvliegtuie feitlik onsigbaar vir radar te maak? Is die geskiedenis van die ontdekking van oermense in Suid-Afrika al volledig geboekstaaf? En hoe het die eienaardige bultjies rondom die heuwels tussen Calvinia en Sutherland ontstaan?
12
FEB
Hoekom hoor 'n mens nooit van hartkanker nie? Langs die Kaapse weskus word 'n muis aangetref met blare op sy rug? Wat is die rede hiervoor? En hoe word die blaassprinkaan se geluid geproduseer?
05
FEB
Rus of slaap miere soms? Hoekom word mans mettertyd bles, terwyl hulle baarde steeds welig groei? En is dit moontlik dat 'n slang met sewe koppe volwassenheid kan bereik en op die oog af in 'n baie goeie kondisie kan wees?
29
JAN
Hoe vind diere soos skilpaaie en verkleurmannetjies, wat wyd verspreid voorkom, mekaar tydens paartyd. Is daar al fossiele in Zoeloeland gevind? En kan 'n mens uit plekname aflei waar bergsebras histories voorgekom het?
22
JAN
Is die Bonobo dalk die vermiste skakel in die mens se ontwikkelingslyn? Kan die bestaan van geeste wetenskaplik verklaar word? Wat is die verskil tussen 'n kwagga en 'n sebra? En kan padda-eiers droogtes oorleef?
15
JAN
Hoekom stoot 'n bergskilpad die karkas van 'n dooie skilpad meters ver rond? Bestaan daar enige gevaar dat die urine wat 'n skilpad uitskei wanneer dit opgetel word, uiteindelik tot ontwatering kan lei? Hoe is die eerste ontdekking van mikro-organismes deur 'n linne-handelaar gemaak? En wat gebruik palm-swaels om hulle neste en selfs eiers en kleintjies aan palmbome te heg?
08
JAN
Hoekom is plante, soos wilde irisse, se blomtyd gesinchroniseer sodat hulle op dieselfde dag blom? Wat is mikro-organismes, waaronder bakterië en virusse en watter nut het hulle? En is 'n paddakoor se oorvloedige gesang 'n aanduiding dat daar 'n goeie reënseisoen op pad is?
01
JAN
Watter insekte boor gate in hibiskusplante, en hoe raak 'n mens daarvan ontslae? Wat is sandvlooie? Is daar enige waarheid in die teorie dat die aarde hol is van binne? En is Suid-Afrika besig om van die Weskus af in 'n woestyn te verander?