Die tale wat ons praat

RSG  |  Afrikaans  |  Podcast, ±19 min episodes every 6 days
Aktuele sake en interessanthede oor die Afrikaanse taal word bespreek. Daar word gesels oor verskillende variëteite van Afrikaans, bv. die taal van die wet, van die ekonomie, van die onderwys, maar ook streek- en groeptale kry aandag. Van tyd tot tyd word luisteraars genooi om in te bel met hulle taalprobleme of -sienings, en word seldsame uitdrukkings bespreek.
15
JAN
Een van 'n taal se grootste skatte is sy uitdrukkings en gesegdes. Ina Strydom praat met prof. Ilse Feinauer van die Universiteit van Stellenbosch oor wyle dr. Anton Prinsloo se bydrae om die taalskat op te teken, en voorbeelde uit een van sy boeke, Feite, flaters en fiksie, word bespreek.
08
JAN
Een van die stigters van die GRA (Genootskap van Regte Afrikaners) was Gideon Malherbe. Hy was 'n gesiene boer, sakeman en wa-maker van die Paarl. Sy huis in die Paarl is vandag die Afrikaanse Taalmuseum. Magdaleen Krüger het onlangs vir die eerste keer in haar lewe die taalmuseum besoek, en sy neem jou saam deur die ou huis.
18
DEC
2016
'n Besondere boek oor die bruin gemeenskap se bydrae tot Afrikaans is op Versoeningsdag bekendgestel. Ina Strydom het met die mederedakteurs, prof. Wannie Carstens en dr. Michael le Cordeur, oor ONS KOM VAN VER AF gepraat.
04
DEC
2016
Die bestuurshoof van die Suid-Afrikaanse Akademie vir Wetenskap en Kuns, dr. Dione Prinsloo, vertel vir Ina Strydom meer oor die Jan H. Maraisprys vir uitsonderlike prestasie in Afrikaans en ander projekte; en die werk van Afrikaans.com se veldtogwenners word voorgelees.
20
NOV
2016
Die woord HET is een van die woorde wat die meeste in Afrikaans voorkom, maar dit het vele geheime. Prof. Jac Conradie van die Departement Afrikaans aan die Universiteit van Johannesburg vertel vir Ina Strydom waarom HET 'n besondere plek in die taal inneem.
30
OCT
2016
Wat beteken die 'heinde' in heinde en verre, en hoekom praat ons van katarakke as katarak se betekenis eintlik niks met oë te doen het nie.
23
OCT
2016
Ina Strydom praat met prof. Ilse Feinauer van die Universiteit van Stellenbosch oor maniere wat hulle bedink het om veral honneursstudente na die Departement Afrikaans te lok.