Middag op RSG 1

RSG  |  Podcast, ±3 min episodes every day  |  Broadcast schedule
Begin jou middag op die voorvoet met musiek, joernaalinsetsels, en tegnologie- en vermaaknuus.
21
MAR
Wat is menseregte? Ettienne Ludick en Sue Pyler vra die regte vrae by die regte mense. Hulle gesels met Anton van Dalsen van die Helen Suzman-stiging en advokaat Lucretia Seafield oor jou regte en wat jy moet doen indien jy voel dat jou regte geskend word.
16
MAR
Abigail Potgieter is by geboorte gediagnoseer met spina bifida,'n spinale defek wat veroorsaak word deur 'n ruggraat wat nie korrek gesluit het nie. Die gevolg is dat Abigail nie sonder krukke kan loop nie, maar dit het haar nie gekeer om onlangs haar bestuurslisensie te kry nie. Haar motor is spesiaal vir haar aangepas, sodat sy slegs haar hande hoef te gebruik om te bestuur. Abigail verduidelik vir Christelle van Tonder hoe die motor vir haar behoeftes aangepas is.
15
MAR
Antoniem wonder hoekom doodnormale goed die koerante haal, soos dat Steve se Janine ná ses maande van swangerskap gewig opgetel het; dat Karlien tydens háár swangerskap sooibrand gekry het; en dat Oom Angus ook bid…
15
MAR
Om 'n blogger te wees, is een van die grootste tendense van ons tyd, maar hoekom doen mense dit? Martin Headger het met Nocturnal Wenchy gepraat om uit te vind hoekom sy dit ná 20 jaar steeds doen.
13
MAR
Het jy al ooit gewonder hoe bier gemaak word? Martin Headger het by Wayne Johnson van New Brixton Brouery in Johannesburg gaan uitvind.
10
MAR
Gekke en dwase skryf op mure en glase… maar vir sommige kunstenaars is dit waar hulle kuns maak. 'n Mens sien oral graffiti langs die snelweë, op geboue en onder brûe. Van dit is net merke, en ander is pragtige kunswerke. Christelle van Tonder het met die graffitikunstenaar Justin Catto oor hierdie kunsvorm gesels.
09
MAR
Die Delmonico-broers het hulle gewilde fynproewersrestaurant, Delminoco's, in 1827 in New York geopen. Dit was die eerste restaurant in die VSA waar klante van 'n à la carte-spyskaart af kon bestel. Sue Pyler gesels met kosghoeroe Herman Lensing oor hoe fyn daar geproe behoort te word wanneer jy by so restaurant gaan eet.
08
MAR
Antoniem bespiegel oor al die verskillende dinge wat 'n mens maak wie jy is. Maak dit saak in watter volgorde jy die lysie saamstel?
06
MAR
Op 6 Maart 1970 word die Beatles se lied LET IT BE vrygestel op die album met dieselfde naam. Die album sou die laaste van oorspronklike musiek wees wat die wêreld van die Beatles af kry. Christelle van Tonder vertel meer.
03
MAR
Naas hoogte, breedte en lengte is tyd die vierde dimensie. Kan tyd werklik gedefinieer word?
02
MAR
Airsoft is 'n sportsoort wat baie soos verfbal is, maar dit gebruik ander toerusting en reëls. Martin Headger gesels met Benjamin Ndaba, bestuurder van Smoking Aces Airsoft in Johannesburg, oor hierdie interessante sport en hoe dit van verfbal verskil.