Spektrum

RSG  |  Afrikaans  |  Podcast, ±3 min episodes every 1 week, 1 day
Die Spektrumspan hou jou op hoogte met die jongste plaaslike en internasionale nuusgebeure.
10
APR
Op 10 April 1993 het die skietdood van Chris Hani gedreig om die droom van 'n nuwe Suid-Afrika te ontspoor. Op die dag het Janusz Walus die leier van die SAKP en stafhoof van Umkhonto we Sizwe voor sy huis in Boksburg doodgeskiet. Hy en Clive Derby-Lewis is later skuldig bevind aan sy moord. Maar die land met sy onstabiele politiek het gesteier nog voor iemand enige klinkklare plan vir die toekoms op die tafel kon neersit. Dit het die politieke moed van leiers soos Nelson Mandela, Constand Viljoen, FW de Klerk en Cyril Ramaphosa gekos om versoening te bewerkstellig. Vandag 24 jaar later het Hani se dogter Lindiwe 'n boek geskryf oor haar pa. Die titel van die boek is Being Chris Hani's daughter. Izak du Plessis het aan haar gevra wat sy van haar pa onthou.
28
FEB
Minister Des van Rooyen het belastingbetalers verlede jaar 'n bykomende R1 miljoen gekos. Die minister moes van sy aanstelling af vir drie maande in 'n hotel bly teen sowat R10 000 per nag. Die departement van openbare werke het glo nie sy amptelike huisvesting betyds gereed gehad nie en hy kon eers later in die huis intrek. Izak du Plessis het gaan uitvind wat hotelverblyf kos en wat jy kan verwag as jy R10 000 per nag betaal.
17
FEB
Die Minister van Finansies, Pravin Gordhan, sal op 22 Februarie 2017 sy begrotingsrede lewer. Na verwagting sal 'n voorgestelde koolstofbelasting weer geopper word. Die belasting is reeds in 2007 voorgestel. Melissa Tighy het by 'n belastingsdosent by die Universiteit Stellenbosch Besigheidskool, Lee-Ann Steenkamp, uitgevind wat dit kan behels.
06
FEB
Krieketliefhebbers het 'n nuwe held. Hy is Pierre Hefer van Johannesburg. Hefer het sy heldestatus verwerf toe hy 'n swerm bye tydens die eendagkrieketwedstryd tussen Suid-Afrika en Sri Lanka van die Wanderers af verwyder het. Izak du Plessis het aan hom gevra hoe dit gebeur het.
11
JAN
Die Suid-Afrikaanse Pluimveevereniging sê sowat 200 000 werksgeleenthede is in die weegskaal as die regering nie drasties ingryp met die storting van bevrore hoender in die plaaslike mark nie. Die president van die verening, Kevin Lovell, sê vir te lank is buitelandse handelsverhoudings bo die belange van die bedryf gestel, en daarom kan die pluimveebedryf nie meeding nie. Hy sê ander lande help hulle boere met subsidies. Volgens Lovell is tyd dat die regering hierdie opsie begin ondersoek.
11
JAN
Die hoofekonoom van die Efficient-groep, Dawie Roodt, sê sowel die pluimveesektor en die regering benader die probleme in die sektor verkeerd. Hy sê hulle vergeet dat die bedryf eintlik oor die verbruiker en sý belange gaan.
10
JAN
Die Departement van Handel en Nywerheid sê as die pluimveesektor oor inligting beskik wat daarop dui dat die invoer van hoender soos dit nou is, daartoe sal lei dat die plaaslike mark ineen sal stort, moet hulle daarmee vorendag kom. Daar is vroeër berig dat duisende werksgeleenthede in die pluimveebedryf in gedrang is weens die invoere van gevriesde hoender uit Europa en ander dele van die wêreld. Die president van die Suid-Afrikaanse Pluimvee-vereniging, Kevin Lovell, sê sowat 53 000 ton gevriesde hoender is verlede jaar ingevoer. Die vakbond FAWU het intussen gevra dat die invoertariewe verder verhoog moet word. FAWU se adjunksekretarisgeneraal, Katishi Masemola, sê die regering moet dringend ingryp.
09
JAN
Die presidensie van Ghana het om verskoning gevra nadat dit aan die lig gekom het dat dele van die nuwe president, Nana Akufo-Addo, se openingsrede uit 'n toespraak van die voormalige Amerikaanse president, George W. Bush, afgeskryf is. Sosiale media het nie lank na sy toespraak nie begin gons oor die ooreenkomste tussen die twee toesprake. Justin Kennerley het die besonderhede.
09
JAN
Die hulporganisasie, Operation SA, was onlangs in die oorloggeteisterde Sirië om die R10-miljoen wat hulle ingesamel het, te gaan oorhandig. 'n Verteenwoordiger van die organisasie, Yusuf Abramjee, sê dit was 'n lewensveranderende reis om te sien hoe weeskinders sonder kos en klere probeer oorleef. Abramjee het Suid-Afrikaners bedank vir hulle bydrae aan die inwoners wat in hierdie oorlogsgebied bly.
24
NOV
2016
Die Suid-Afrikaanse Werkgewersorganisasie (NEASA) sê die regering beskerm steeds ArcelorMittal ten koste van die res van die staalbedryf. Die president van NEASA, Gerhard Papenfuss, sê dit is tyd dat die regering standpunt oor die kwessie moet inneem. ArcelorMittal het die regering versoek om verdere invoerbelasting op staalinvoere te hef. Papenfuss sê dit is vir hulle vreemd dat die regering een maatskappy sal beskerm, ten koste van sy eie staalbedryf.
21
NOV
2016
Suid-Afrikaners is die afgelope tyd op sosiale media gefasineer deur die singende polisiekapelaan. Adjudantoffisier Dawie Williams is ook 'n pastoor en het oornag bekendheid verwerf op sosiale media met sy weergawe van Count Your Blessings. Die video van die polisie-offisier in Potcheftroom is al meer as 68 000 keer gesien op Facebook. Hy sê hy sing altyd!
21
NOV
2016
Sylvester, die rondloper leeu van die Karoo, sal vandeesweek geskuif word na sy nuwe tuiste in die Addo Olifantpark, saam met twee leeuwyfies. Sylvester het die land vroeër vanjaar aan die praat gehad, nadat hy twee keer uit die Karoo Nasionale Park ontsnap het. Die span van SANPARKE wat hom uiteindelik gevang het, het die afgelope naweek 'n Kudu-toekenning ontvang vir hulle brawe optrede. Surprise Mlambo sê hy was nooit bang terwyl hulle na Sylvester gesoek het nie.