Middagvervolgverhaal | DIE VERDWYING VAN MINA AFRIKA deur Zuretha Roos

RSG  |  Podcast, ±13 min episodes every day
'n Radiovervolgverhaal wat jou verbeelding vrye teuels gee.
23
FEB
Jana en Mina kom op Visbaai aan, en Mina is in vervoering oor die klein dorpie en sy eenvoud. Onderweg van Visbaai na Whitewing Lodge, vertel Jana die treurige verhaal van 'n jong bruin moeder wat nog voor Jana se geboorte by Vier Winde gewerk het en een nag op pad huis toe met die paadjie oor die rotse hoog bo die see na haar dood geval het.
22
FEB
Sara en Mina ry na De Doorns om van Mina se besittings te gaan haal, en hulle word getref deur die veranderinge aan Goedemoed. Jana kom Mina haal en hulle pak die rit aan na Whitewing Lodge. Mina voel vir die eerste keer weer opgewonde oor die toekoms.
21
FEB
Mina lig Sara in dat sy besluit het om vir Jana te gaan werk. By die munisipale kantore waar Mina probeer uitvind wat van Sarah Adams geword het, word wonde uit die verlede oopgekrap. Jana bel om te reël om Mina te kom haal om haar nuwe lewe as sjef vir Whitewing Lodge te begin.
20
FEB
Sara en Mina is ingeburger in die dubbelverdiepinghuis in Tamboerskloof. Mina het gehoor dat Distrik Ses volgens die groepsgebiedewet 'n wit gebied verklaar is, en sy gaan kyk hoe dit lyk. Die afgryse van haar besoek aan Distrik Ses laat Mina 'n belangrike besluit neem.
17
FEB
Mina waarsku die werkers van Goedemoed om ander werk te soek, want Cluver Coetzee is nie iemand vir wie hulle sal wil werk nie. Mina ontmoet 'n jeugkennis, Jana Jansens, wat haar lewe en toekoms ingrypend sal verander. Sonia Tredoux loop haar rieme styf.
16
FEB
Sara is besig om in te pak, en word deur die emosionele las oorweldig. 'n Plaaswerker deel ontstellende nuus aan Mina mee, wat later deur die nuwe eienaar, Cluver Coetzee, bevestig word. Mina besef sy moet begin afskeid neem van haar geliefde wingerdhuisie.
15
FEB
Sonia word aangestel as Julie's Bistro se nuwe bestuurder. Mina begin saam met Sara planne maak om Kaap toe te trek. Iris vra Sara of daar nie dalk 'n manier is om Mina te oortuig om haar bedanking terug te trek nie. Mina trap 'n laaste stel af met Sonia.
14
FEB
Mina hoor by Mietjie dat Sonia male sonder tal die wens uitgespreek het dat Mina nooit terugkom na Julie's Bistro nie. Sara probeer Mina weer oortuig om saam met haar Kaap toe te gaan. Mina neem 'n drastiese besluit.
13
FEB
Sara probeer Mina oortuig om saam met haar Kaap toe te gaan, en Mina spreek haar vrese en kommer uit. Mina gaan spreek Iris met die doel om weer te begin werk, en ontmoet die giftige Sonia Tredoux.
10
FEB
Iris besluit om 'n pasafgestudeerde huishoudkundestudent, Sonia Tredoux, aan te stel om in Mina se plek waar te neem totdat sy gereed is om weer te kom werk. Sara wil die twee familieplase, Goedemoed en Hooglande, verkoop en teruggaan Kaap toe. Mina ervaar weer die gevoel wat sy as kind gehad het – dat sy 'n “tussenmens” is.
09
FEB
Iris Oortzen, Mina Afrika en Mietjie staan rustig en gesels in Julie's Bistro se kombuis oor die afgelope agt jaar se sukses. Dan bel Sara de Graaff met nuus wat hulle almal se lewens ingrypend en blywend sal verander.
08
FEB
Mina gaan lê besoek af by Schoeman se graf. Sy stel 'n belangrike personeellid aan om haar in die restourant by te staan en kies 'n betekenisvolle naam vir die restourant.