RSG Landbou

RSG  |  Afrikaans  |  Podcast, ±18 min episodes every day
Lise Roberts gesels met die Cobus van Coller oor Nampo 2015. En die Kleingraaninstituut fokus op die prestasie van koringkultivars in die verskillende besproeiingsgebiede.
29
MAR
Craig Shepstone praat oor die 1-2-3-metode om wild korrek te voer. Daar is ook 'n gesprek met Richard Gilles oor die Lake Farm Centre wat besondere werk doen om volwasse afhanklike mense aan die landbou voor te stel. En daar is inligting oor die kuddeprojek wat Veeplaas baie suksesvol by landbouskole in die land van stapel laat loop.
28
MAR
PC Ferreira van die Hannover-omgewing het 'n droom verweselik toe hy aktiwiteite op sy plaas omskep het in agritoerisme. Dawie du Plessis van Agricol gesels oor die koning van hooigewasse. lusern. En Yolande Roodt en Japie Nel van Schweizer-Reneke verduidelik hoe die verskillende melkstelsels werk.
27
MAR
Daar is 'n gesprek met Komien van Niekerk, wat aangewys is as die Jeugskou se Skouman van die Jaar. En Wildbedryf SA het planne met transformasie - Adri Kitshoff-Botha verduidelik wat dit behels.
25
MAR
Onder die eenkanaal-bemarkingstelsel van destyds is vrugte geteel vir die behoefte van die kanaal, maar ná deregulering het wêreldmarkte oopgegaan, en daarvoor is daar plaaslik nie geteel nie. Daar moes spoedig aan die uitdaging en behoefte voldoen word. Terselfdertyd is tweedegraad vrugte destyds plaaslik bemark, en die persepsie bestaan vandag steeds dat pruime groen en suur is, terwyl die teendeel waar is. Chris Viljoen gesels met twee vrugtenavorsers wat die oorgangsproses beleef het.
24
MAR
Chris Viljoen kyk na die landbou- en voedselsertifiseringsbedryf, die stryd teen indringers langs riviere, opleidingsprogramme in die wynbedryf, onkruidbeheerweerstand in kleingrane, en 'n sleutel om klimaat en landbou-inligting te ontsluit d.m.v. selfone,
23
MAR
Dr. Riaan du Preez verduidelik wat primêre dieregesondheid is. Daar is ook terugvoer oor 'n Bovelder-veiling van vroulike diere wat onlangs op Vrede plaasgevind het. En Johan van den Berg praat weerwaarhede.
22
MAR
Wat is belangrik as jy as afslaer 'n veiling hanteer? Dit is een van die vrae wat Hennie Maas aan Ian Grobbelaar stel. Ian is Vleissentraal se afslaer van die jaar vir 2016. Ons hoor ook meer van hartwater, en wat die siekte veroorsaak.
21
MAR
Anton Smuts is die nuwe voorsitter van Vinpro. Lise Roberts praat met hom oor verskillende aspekte van die wynbedryf. Daar is ook inligting oor die werk van 'n kuilvoerkontrakteur, en hoe dit inskakel by die van 'n kuilvoerkonsultant. Dr. Danie Odendal gesels ook oor knopvelsiekte wat deesdae by kuddes voorkom.
20
MAR
Daar is inligting oor 'n hele paar veilings wat plaasvind, en Annelieze Crosby gesels oor die rol wat AgriSA kan speel om te help met werkskepping. Karen Venter het die mikrofoon na Tarkastad geneem waar sy met 'n drietal mense gepraat het oor die aktiwiteite van die Jeugskou in die Oos-Kaap.
18
MAR
Die egtheid van heuning kan bepaal word met 'n vinnige metode. Plaaslike produsente kan nie meeding teen die laer pryse van vervalste produkte nie, waardeur suikerstroop bygevoeg word óf vermeng word met plaaslike heuning óf valslik geëtiketteer word as synde 'n plaaslike produk. Chris Viljoen gesels met 'n voedselwetenskaplike hieroor.
17
MAR
Chris Viljoen kyk na die nasionale waterweek; rooivleis-inligtingsdae op Fraserburg, Richmond en Griekwastad; ses wetenskaplikes se bydrae tot landbou-onderrig; en wat is veen -brand dit of brand dit nie?
16
MAR
Weerwaarhede is die naam van 'n nuwe rubriek oor weer in die landbou, wat voortaan elke Donderdagoggend uitgesaai sal word. Johan van den Berg is die aanbieder. Daar is ook 'n insetsel oor Statistieke SA se jaarlikse landbou-opname wat tans aan die gang is. En Wessel Lemmer van ABSA Agribesigheid praat oor neutproduksie in Suid-Afrika.