RSG Landbou

RSG  |  Afrikaans  |  Podcast, ±17 min episodes every day
Lise Roberts gesels met die Cobus van Coller oor Nampo 2015. En die Kleingraaninstituut fokus op die prestasie van koringkultivars in die verskillende besproeiingsgebiede.
23
FEB
Die Wêreld Natuurlewefonds het op 8 Februarie vir die eerste keer in Suid-Afrika 'n ooreenkoms met 'n boer in die Caledon-omgewing onderteken vir die bewaring van Renosterveld op sy plaas. Die SA Makadamia-kwekersvereniging het besluit om by Subtrop te bedank. En Agri SA deel hulle mening oor die nuwe minimumloon.
22
FEB
Waar kom die draakvrug vandaan, en kan dit in Suid-Afrika aangeplant word? Graan SA se laboratorium vir koringnavorsing kom onder die loep. En Frans van Eeden, 'n rekenmeester van Pretoria, gee raad oor goeie kontantvloei in jou boerdery.
21
FEB
By die SA Suiwelkampioenskappe, wat op 23 Februarie plaasvind, word varsmelk ook nou beoordeel. Johan Ehlers verduidelik waarom. En Hammes Hamman van die Ceres-produsentegroep praat oor die vrugte-produsente se daadwerklike poging om water beter te bestuur.
20
FEB
Biologiese beheer van die herfskommandowurm is moontlik. 'n Jong boerdery-egpaar van die Oos-Kaap gesels oor Jordaan Genetics se sukses. En boerderye moet vir voorlopige belasting registreer.
18
FEB
Sowat 7% van alle wildspesies wat op veilings verkoop word, is kleurvariante. Ondanks die groot uitbreiding van kleurvariante, het dit begin afneem en daarmee saam het die besonder hoë pryse van 'n paar jaar gelede ook gedurende 2016 gedaal. Chris Viljoen gesels hieroor met 'n wildnavorser en landbou-ekonoom wat 'n studie hiervan maak.
17
FEB
Chris Viljoen kyk na 'n voorsaaidag, kunsmatiggebroeide-volstruiseiers, die verloop van die parsseisoen, toenemende getalle vroue in die landbouwetenskap, en die Oos-Kaapse wildbedryf.
16
FEB
Suzanne Oosthuyzen vertel van die Undercover Farming Expo by die WNNR konferensiesentrum. Wessel Lemmer van Absa Agribesigheid druk 'n bietjie die koorspen in landbou se mond om te sien hoe gesond die bedryf is. En Marina Bester van Skaapvleis SA praat oor skaapvleis se teenwoordigheid by die Woordfees op Stellenbosch.
15
FEB
Christo Joubert van die Landboubemarkingsraad vertel van 'n interessante studie wat deur Statistieke SA gedoen is onder kleinboere. Daar is ook meer inligting oor die koring-indabas wat Agbiz Grain in Pretoria en die Kaap gaan hou. En Dawie Maree van FNB bespiegel oor die impak van die komende begroting op landbou, byvoorbeeld of BTW dalk verhoog sal word.
14
FEB
Hennie Maas hoor by Arnaud le Roux hoe hy met duikers boer. Daar is ook 'n gesprek met Piet Gouws, wat in die noordweste van Namibië boer. Hy sê daardie gebied is uiters droog, maar hy het 'n unieke manier gevind om voeraanvulling met ghabbabos te doen.
13
FEB
ZZ2 in Limpopo word gewoonlik geassosieer met tamatieproduksie. Die onderneming se bemarkingsbestuurder, Clive Garret, gesels oor die welslae wat hulle behaal het met avokado-produksie. Daar is ook nuus oor die stand van die kommandowurmplaag in Noordwes. En Lise Roberts gesels met dr. Renee Prins oor koringnavorsing.
11
FEB
Het jy al ooit 'n blom soos 'n aster oor jou hand uitgeskud en sulke donker of strooikleurige strepies sien kriewel, skaars 1,5 mm groot? Dis heel moontlik blaaspootjies wat 'n kopseer is vir groente-, blom- en vrugteboere. Chris Viljoen het 'n insekkundige hieroor uitgevra.
10
FEB
Chris Viljoen kyk na die Berg-Olifants validasie-verifikasieproses van die Departement van Water en Sanitasie; vleilande wat deel is van waterhulpbronne; die oorsaai van kikoejoe; 'n nuwe koringkultivar vir die binneland; en 'n vleisbeesdag in die Suid-Kaap.